Todo nome ten unha historia detrás. Pero algúns contan co factor de levar un pouso relixioso que fai que sexan moito máis interesantes. Iso é o que sucede co nome galego de neno Daniel. Estamos diante un nome que é tradicional, pero que segue moi vixente a pesar do paso do tempo.

Orixe do nome de Daniel

A orixe do nome de Daniel sitúase no hebreo. Concretamente na palabra “Dan”. Este factor provocou que este nome sexa moi relevante e que pervivise a pesar do paso do tempo. Temos que ter en conta que a cultura hebrea influíu directamente no cristianismo.

Unha mostra do alcance que tivo este nome é que a día de hoxe contabilízanse a máis de 300.000 homes que se chaman así. Unha parte importante deles residen na nosa terra, especialmente nas provincias da Coruña e Pontevedra. Tampouco pasa desapercibido o feito de que a súa media de idade é de 30 anos. Esta última cifra é un indicativo de que o nome de Daniel é utilizado por persoas mozas.

Significado do nome de Daniel

O significado máis claro e directo do nome de Daniel é “Deus é o meu xuíz”, aínda que ás veces tamén se di que é “Xustiza de Deus”.

O significado deste nome susténtase nunha referencia á Biblia e na importancia de Dios. Mesmo se di que a procedencia exacta do nome de Daniel estaría na intervención da súa nai Raquel que ao poñer Daniel de nome ao seu fillo exclamou a berros “Deus fixo xustiza con este fillo”.

Doutra banda, aos homes que teñen o nome de Daniel asócianselles trazos como o ser persoas fiables, sensibles, organizadas, analíticas e afectuosas. Todo isto, sumado á tradición relixiosa que ten este nome, axudou a popularizalo e a asentalo.

Onomástica do nome de Daniel

A data asignada para celebrar a onomástica deste nome é o 21 de xullo. Neste día conmemórase a figuras como a de San Daniel que foi un dos grandes profetas do Antigo Testamento. San Daniel viviu no século VII a.C. e foi coñecido por permanecer preso en Babilonia.

Homes co nome de Daniel

Outra das mostras da popularidade do nome de Daniel é que ten un calado internacional. Ademais, podemos atopar a determinados homes de recoñecido prestixio que se chaman así. Estes son algúns dos casos máis destacados.

  • Alfonso Daniel Rodríguez Castelao: debuxante, escritor e unha das figuras clave de Galicia.

  • Daniel Craig: actor británico

  • Daniel Day-Lewis: actor británico

  • Daniel Radcliffe: actor británico

  • Daniel Defoe: escritor inglés (1660-1731)

  • Daniel Calparsoro: director de cinema español

  • Daniel Guzmán: actor español

  • Dani Pedrosa: piloto de motos español

  • Dani Martín: cantante español

Como se escribe o nome de Daniel noutros idiomas

Daniel é un nome facilmente recoñecible independentemente da lingua na que apareza. Nel tamén destaca que conta con diminutivos como Dani. Estas son algunhas das variantes deste nome.

Idioma Tradución
Castelán Daniel
Inglés Daniel
Alemán Daniel
Francés Daniel
Italiano Daniele
Éuscaro Danel