É falar das festas de Bouzas e pensar enseguida no verán e nos seus fogos artificiais. As festas de Bouzas son, seguramente, as máis famosas de todos os barrios de Vigo grazas ao gran espectáculo pirotécnico do seu día grande. Este ano serán entre o 18 e o 23 de xullo de 2024.
Celébranse sempre durante a segunda quincena de xullo e durante 5 días o barrio énchese de comida, atraccións e música. Celébrase na honra do Santísimo Cristo dos Aflixidos e o domingo, despois da misa solemne e da procesión, á media noite o ceo cúbrese de cores cos famosos fogos de Bouzas.
Programa das Festas de Bouzas 2024
![festas bouzas cartel 2024 festas bouzas cartel 2024](https://blog.mundo-r.com/embed/8ac637ffc7d73119ab687e1333b3e6482151720771106/festas-bouzas-cartel-2024.jpg?imagick=1&size=750)
Este ano a organización promete que o evento máis esperado por todos os asistentes, o espectáculo pirotécnico previsto para a noite do domingo 21 de xullo de 2024, chegará con algunha sorpresa.
Con motivo do Centenario do RC Celta de Vigo, varios actos, como o pregón ou os fogos artificiais, terán ao club vigués moi presente. Pero se queres coñecer o programa completo, aquí cho presentamos. Non perdas ningún detalle.
Xoves, 18 de xullo
- 19.30 Actuación da Banda de Música Municipal da Lama.
- 20:00 Tardeo con Vandguay.
- 21:00 Pregón na Alameda.
- 21:45 Acendido oficial das luces.
- 22.30 Actuación da Banda de Música Municipal da Lama.
- 23:00 Actuación de DJ Borja Martín B2B Mich Golden. No Chiringo do Paseo.
- 23.00 Actuación do grupo La Nave na Zona da Praia.
- 00.00 Actuación da Banda de Música Municipal da Lama.
- 01.00 Actuación do grupo La Nave na Zona da Praia.
Venres, 19 de xullo
- 10.30 Pasarrúas a cargo da Banda de Música Municipal de Redondela.
- 12.00 Actuación da Banda de Música Municipal de Redondela na Alameda.
- 18.00 Actuación da Banda de Música Municipal de Redondela na Alameda.
- 20.00 Tardeo con animación de Tony “Night” Lomba. No Chiringo do Paseo.
- 20.30 Baixada do Bo Xesús e instalación no trono.
- 23.00 Actuación de DJ Mich Golden e Takikardia.
- 00.00 Actuación da Banda de Música Municipal de Redondela na Alameda.
- 01:00 Actuación de Tony “Night” Lomba. No Chiringo do Paseo.
Sábado, 20 de xullo
- 10.30 Pasarrúas a cargo da Banda de Música Municipal de Redondela.
- 12.00 Desfile de cabezudos.
- 12.30 Actuación da Banda de Música Municipal de Redondela na Alameda.
- 17.30 Actuación da Banda de Música Municipal de Redondela na Alameda.
- 18.00 Tardeo coa música do DJ Javier Barral. No Chiringo do Paseo.
- 20:00 Actuación de DJ Dorr & Kike Sax. No Chiringo do Paseo.
- 23.00 Sesión musical con DJ Ekix e DJ Mich Golden. No Chiringo do Paseo.
- 23.00 Verbena co grupo Alkar.
- 00.00 Actuación da Banda de Música Municipal de Redondela na Alameda.
- 01.30 Verbena co grupo Alkar.
Domingo, 21 de xullo
![festas bouzas cristo festas bouzas cristo](https://blog.mundo-r.com/embed/ffacf73ac3d22e3b3aabb3d33fa91720771224/festas-bouzas-cristo.jpg?imagick=1&size=750)
- 10.30 Pasarrúas a cargo da Banda de Música Municipal de Arcade.
- 11.45 Recepción dos Peregrinos no Atrio da Igrexa.
- 12.00 Misa maior ao Santísimo Cristo dos Aflixidos.
- 19.30 Tardeo coa animación do dúo Buena Vida.
- 21.00 Procesión do Santísimo Cristo dos Aflixidos.
- 23.00 XVII Festival de Poesía Piromusical Cidade de Vigo-Vila de Bouzas.
- 23.30 Verbena coa orquestra Furia Joven.
- 23.45 Sesión musical coa actuación dos DJs Charlie, Borja Martiño, Dani Muñoz, B2B e Mich Golden.
Luns, 22 de xullo
- 10.30 Pasarrúas da Banda Municipal de Música da Lama.
- 13.00 Misa solemne de San Pedro.
- 14.00 Xantar de patróns.
- 17.00 Animación infantil Tatarina na Alameda.
- 18.00 Tardeo con DJ Cristina Penelas & Risky Romy. No Chiringo do Paseo.
- 21.00 Procesión coa Pesca Milagrosa e coa Nosa Señora do Carme.
- 22:00 Actuación dos DJ Alonso, Carlos Murga e Pedro Moreno. No Chiringo do Paseo.
- 23.00 Verbena co espectáculo do Combo Dominicano.
Martes, 23 de xullo: Día do Neno
- 17.00 Animación infantil Tatarina na Alameda.
- 20.00 Tardeo coa animación de Balbuena e Seoane.
- 20.30 Subida do Bo Xesús.
- 23.00 Concerto de Estrobem no Chiringo do Paseo.
- 00.30 Fin de festa coa sesión dos DJs Óscar e Mich Golden.
Como ver mellor os fogos de Bouzas
![festas bouzas fuegos festas bouzas fuegos](https://blog.mundo-r.com/embed/87f959d76a971aa81c0f634a703e7bc1720771331/festas-bouzas-fuegos.jpg?imagick=1&size=750)
Unhas 20.000 persoas reúnense cada ano en Bouzas para gozar dos fogos artificiais das festas de Bouzas. Podes gozar deles dende toda a ría de Vigo. A choiva de cores constitúe un dos pratos fortes da Festa do Santísimo Cristo dos Aflixidos, declarada Ben de Interese Turístico de Galicia en 2004.
Buscar un bo lugar dende onde velos é, ás veces, unha tarefa complicada e leva tempo. Bouzas énchese de xente esa noite. As opcións máis seguras son buscar un punto alto da cidade, como é o Monte do Castro, xa que o espectáculo é visible dende calquera punto da ría.
Para quen queira probar unha experiencia nova, diferente e divertida, existen empresas de aluguer de embarcacións que ofrecen a posibilidade de ver os fogos de Bouzas dende o mar.
Polo módico prezo de 29,5€ (un adulto) ou 14€ se tes entre 3 e 12 anos, a naviera Mar de Ons dáche a oportunidade de embarcar con eles e pasar un par de horas para ver os fogos de Bouzas. con cátering incluído. O prezo sen cátering é máis barato. As saídas dos barcos son ás 21:30 horas dende o porto de Cangas e ás 22:00 horas dende o porto de Vigo, reservando sempre o billete con antelación.
Historia dos fogos das Festas de Bouzas
A tradición popular di que os fogos de Bouzas puideron nacer no século XVII. Cóntase que en 1605 se celebrou na vila o nacemento en Valladolid do primeiro fillo varón do rei Filipe III. O bispo de Tui estivo na festa e os seus arcabuceiros comezaron a lanzar salvas de honra, mentres os veciños queimaban troncos, pólas e alcatrán. E ese podería considerarse o precedente máis antigo dos fogos de Bouzas.
Se buscamos información precisa e demostrable sobre os fogos das festas de Bouzas, as primeiras noticias precisas sobre o espectáculo aparecen en 1861. Nunha crónica consta que “as novenas celebrábanse coa maior solemnidade, anunciando a primeira con un repique de campás e un gran número de fogos artificiais que fixeron que os habitantes abandonasen os seus lugares”.
Sexa cal for o motivo, hoxe os fogos das festas de Bouzas na honra do Santísimo Cristo dos Aflixidos son uns dos máis esperados e espectaculares da zona. Milleiros de persoas acoden a disfrutalos. Se non os coñeces, a que esperas? Non te deixarán indiferente.
Imaxe cabeceira: Confraría do Santísimo Cristo dos Aflixidos.