O noso pasado histórico está influído por diferentes culturas e relixións, que, á súa vez, tamén o estiveron por outras civilizacións máis antigas que marcaron a historia da humanidade. Todo ese pouso vese reflectido no nome galego de neno André, así como noutros moitos.
Orixe do nome de André
O nome de André é de orixe grega. De feito, procede da palabra Andreas. A partir de aí, temos que ter en conta que a cultura grega influíu directamente na romana, e, á súa vez, esta civilización foi a que historicamente contribuíu a que se estendese o cristianismo. Ademais, a nosa terra tamén formou parte dos dominios do Imperio Romano. Todo isto contribuíu a que nomes como o de André se estendesen e pervivan.
Hoxe en día hai algo máis de 2.400 persoas que teñen este nome. A maioría delas residen concretamente na zona de Pontevedra. Tamén destaca o feito de que a súa media de idade se sitúe entre os 25 e os 26 anos. Polo tanto, é un nome utilizado por xente nova.
Significado do nome de André
O significado xenérico do nome de André é guerreiro. Unha significación que se extrae da súa orixe grega. Polo xeral, ás persoas que teñen este nome asócianselles calidades como o ser sociables, agradables e cunha forma de ser que satisfai aos demais.
Onomástica do nome de André
O día designado á onomástica de André é o 30 de novembro. Todo isto débese á historia de Santo André. Esta figura naceu en Galilea e foi un dos 12 apóstolos de Xesucristo. O seu nome comezou a destacar por ser o irmán de Simón, que despois pasaría a ser Pedro. Santo André terminou encarcerado e morreu azoutado por un gobernador grego xustamente o día 30 de novembro.
Homes co nome de André
André é un nome que ten variantes en diferentes linguas e idiomas. Atopar a homes famosos que teñan este nominativo concreto pode ser complicado, pero iso non significa que non os haxa.
- Andrés Dobarro: músico.
- André Pena Graña: historiador e doutor en arqueoloxía.
- André André: futbolista do FC Porto.
- André Agassi: tenista.
- André Gide: escritor.
- André Bretón: escritor.
- André Malraux: escritor.
- André Roberson: xogador de baloncesto.
- André 3000: músico.
- André René Roussimoff: actor e loitador profesional francés, máis coñecido como “André o Xigante”
Como se escribe o nome de André en diferentes idiomas
André é un dos nomes que ten máis variantes e traducións en linguas que contan con millóns de falantes no mundo. Este nominativo está entre os máis recoñecidos.
| Idioma | Tradución |
|---|---|
| Español | Andrés |
| Italiano | Andrea |
| Bretón | Andreo, Andrev |
| Éuscaro | Ander |
| Catalán | Andreu |
| Inglés | Andrew, Andy |
| Alemán | Andreas |
| Asturiano | Andresu |
| Romanés | Andrei |
| Ucraniano | Andriy |
| Ruso | Andreï |
