Gozar das luces, visitar o mercado de Nadal e probar sorte coa lotería son plans imprescindibles no Nadal de Lugo. Neste post contámosche cando acenden as luces de Nadal 2025 - 2026 en Lugo, onde podes atopar o mercado "Nadalmente Lucense"... e lembrámosche que probes sorte coa lotería de Nadal.
Cando se acenden as luces de Nadal 2025 - 2026 en Lugo
A data varía cada ano e aínda non coñecemos cando acenden as luces de Nadal 2025 - 2026 en Lugo (aínda que apostamos pola primeira semana de decembro).
A Praza Maior é o lugar tradicionalmente elixido para o aceso das luces de Nadal. Alí reúnense autoridades, agrupacións musicais e algún lucense de honra (en 2024, o elixido foi o deportista e adestrador Salva Arco) para arrincar oficialmente as festas do Nadal.
Contarémosvos toda a información cando se publiquen os datos do aceso das luces 2025 - 2026 en Lugo.
Onde ver as luces de Nadal 2025 - 2026 en Lugo
A espectacular iluminación decorativa que adorna as principais vías e puntos emblemáticos de Lugo non defrauda.
Arcos das máis diversas formas (de estrelas, de flocos de neve, ou de campás), grilandas, figuras 3D, letreiros e unha gran árbore son algúns dos elementos habituais que podemos ver no Nadal de Lugo.
O ambiente do Nadal respírase por cada recuncho da cidade, pero hai varios lugares onde a iluminación cobra especial protagonismo:
• Muralla: O monumento máis recoñecido da cidade adoita contar cunha iluminación especial que realza a súa impoñente presenza.
• Praza Maior: O corazón de Lugo transfórmase con motivos do Nadal e luces de fantasía.
Mercado de Nadal "Nadalmente Lucense"
Outro dos grandes atractivos da programación do Nadal de Lugo é o Mercado de Nadal "Nadalmente Lucense", que se instalará do 5 de decembro ao 5 de xaneiro na Praza Maior.
Está composto por 20 casetas de madeira que ofrecen gran variedade de produtos de comerciantes locais. Un espazo pensado para dinamizar o sector local e un lugar ideal para atopar os mellores agasallos e artesanía única. Nel temos decoración, alimentación e bebidas, produtos ecolóxicos e sostibles, roupa e complementos, agasallos e lembranzas, xogos e xoguetes, flores e plantas.
Cada semana varían as casetas, xa que se establecen quendas rotatorias semanais para os negocios lucenses interesados en participar.
O Mercado de Nadal "Nadalmente Lucense" abre de 11:00 a 14:30 horas pola mañá e de 16:30 a 21:00 horas pola tarde, excepto os días 24 e 31 de decembro, cando funcionará só en horario de mañá. E os días 25 de decembro e 1 de xaneiro permanecerá pechado.
"Nadalmente Lucense" acollerá tamén actividades paralelas de animación e propostas de lecer dirixidas a un público infantil e familiar.
Haberá actividades nas casetas dedicadas ao Fogar de Santa Claus e na do emisario dos Reis Magos; ademais dunha cabana para albergar espectáculos e talleres e un pequeno poboado do Nadal.
Actividades para toda a familia no Nadal de Lugo 2025 -2026
A axenda de Nadal énchese de propostas para o público infantil e adulto ao longo de todo o mes de decembro e principios de xaneiro en Lugo. Organízanse talleres de decoración ou cociña e múltiples actividades de lecer.
Hai música, teatro e concertos de Nadal e Aninovo. O Mercado Municipal e o Teatro Gustavo Freire son algúns dos escenarios onde se desenvolve a oferta lúdica do Nadal lucense.
A tradición da Lotería de Nadal en Lugo
En Lugo, o Nadal é tamén bo momento para probar sorte coa tradicional lotería.
A cidade foi agraciada co premio Gordo en cinco ocasións (a última en 2018), e 2025 podería ser unha nova data afortunada no calendario lucense.
Son moitos os que se achegan cada ano a algunha das administracións locais para comprar o seu décimo, como Loterías Lastra, Loterías La Llave ou a Administración Nº 12 "Loterías El Gafe". Así que o día 22 de decembro é habituar escoitar con atención e ilusión aos nenos de San Ildefonso entoando a súa famosa melodía.
Cabalgata de Reis en Lugo
O broche de ouro á programación de Nadal de Lugo pono a tradicional Cabalgata de Reis da tarde do 5 de xaneiro.
Os Reis Magos adoitan iniciar o seu percorrido no Parque da Milagrosa para desfilar polas rúas de Lugo, con carrozas e animación, finalizando coa súa chegada triunfal á Praza Maior, onde son recibidos polas autoridades e o público.
Completaremos a información con todos os detalles da programación de Nadal de Lugo 2025 - 2026 en canto o Concello a presente. Pero xa podemos desexarche Bo nadal!
Fonte imaxe cabeceria: Turismo de Lugo.