É a pregunta que todos os traballadores facémonos, Como mellorar a produtividade? Pero non hai unha resposta exacta a esta cuestión.
E parece mentira que no mundo tan tecnolóxico no que vivimos non conseguísemos a fórmula exacta para ter unha produtividade sempre óptima. A tecnoloxía non fai milagres, pode axudar 
, pero diferentes informes sinala que a pesar da dixitalización a produtividade non se incrementa.
Moitos psicólogos e sociólogos estudaron o tema da produtividade e como alcanzala e a verdade publicáronse estudos moi interesantes. Pero á hora da verdade hai que aplicar coñecementos prácticos.
Nesta ocasión imos contar o que nos funciona a nós para conseguir mellorar a produtividade.
Claves
- Rompe coa rutina. Se estás atascado cun problema ou non se che ocorre unha boa idea para desenvolver a túa seguinte tarefa (no caso de que se trate dun labor creativo) vai dar un paseo e a tomar o aire. No caso de que se trate dun proceso mecánico vai tocar quedar sentadiño na túa cadeira e facelo
. - O mellor recurso es ti mesmo. Ninguén te coñece como ti a ti mesmo, sabes cales son as túas debilidades, fortaleza e virtudes. Así que tira dese coñecemento para obter os mellores resultados nas túas tarefas.
- Lista de tarefas. Tes claro que tes que facer? Se non o tes do todo claro anótao nunha lista, nuns post-its na parede, nun calendario no teu pc, tablet e móbil. De xeito que o vexas ben organizado por prioridades. Aínda que xa se sabe que sempre pode xurdir imprevistos e se é así terás que reorganizar a túa lista de tarefas.
- Marca os días. No momento de marcar os prazos das túas tarefas márcaos en días, non en semanas nin en meses. Así parecerá que queda menos tempo para realizalas e poida que te adiantes ao prazo de entrega e gañes tempo.
Un pouco de distracción
Por norma, a distracción e a produtividade están rifadas, pero un pouco de distracción non vén mal para aumentar e mellorar a túa produtividade.
Escoitar música mentres realizas algunhas tarefas axudarate a facelas máis relaxadamente e, ao mesmo tempo ,activará o teu cerebro. Así cho contabamos neste post.
Ir tomar café cos compañeiros ou manter unha charla amena e cun ton moderado (lembra que outros compañeiros están a traballar ) axudarate a levar mellor a xornada e a desconectar un pouco das túas tarefas.
Lembra que podes seguir a nosas novidades en Twitter, Facebook, Instagram e na nosa canle de Telegram.
Ata a próxima!
imaxe de unsplash.com/@fancycrave