A forma máis rápida de ir en coche de Ourense a Santiago é a autoestrada AP-53 de pago. Canto custa a peaxe Ourense Santiago en 2026? Podes ver aquí a táboa de prezos en vigor dende o 1 de xaneiro de 2026 e os descontos que ten se pagas con telepeaxe. Ademais de toda a información sobre a peaxe Santiago Ourense, contámosche canto é a peaxe A Coruña Ourense, que nese caso implica coller a AP-9 e a AP-53.
Autoestrada de peaxe Santiago a Ourense
Para ir en coche dende Santiago a Ourense, sen ter que viaxar pola estrada nacional, debes utilizar a autoestrada de peaxe AP-53, que xestiona Acega.
A AP-53 empeza en Santiago de Compostela e chega ata o Alto de Santo Domingo (Dozón). Se queres chegar ata Ourense, o traxecto continúa pola AG-53, que non é de peaxe, ata a incorporación á A-52 en dirección a Ourense.
Aquí che deixamos o mapa da autoestrada Santiago Ourense onde podes ver todos os accesos e saídas da AP-53:
Agora que xa sabes os traxectos, canto custa a peaxe Santiago a Ourense en 2026?
Prezo da peaxe Ourense Santiago 2026
Na seguinte táboa podes ver o prezo da peaxe Ourense Santiago 2026 para vehículos lixeiros, en vigor dende o 1 de xaneiro 2026.
| Percorridos | Prezo |
| Santiago – Ribadulla | 2,00 € |
| Santiago – Bandeira | 3,30 € |
| Santiago – Silleda | 4,35 € |
| Santiago – Lalín Oeste | 7,25 € |
| Santiago – Lalín Centro | 7,25 € |
| Santiago – Lalín Este | 7,25 € |
| Santiago – Alto Santo Domingo | 7,25 € |
| Ribadulla – Bandeira | 1,40 € |
| Ribadulla – Silleda | 2,45 € |
| Ribadulla – Lalín Oeste | 5,35 € |
| Ribadulla – Lalín Centro | 5,35 € |
| Ribadulla – Lalín Este | 5,35 € |
| Ribadulla – Alto Santo Domingo | 5,35 € |
| Bandeira – Silleda | 1,35 € |
| Bandeira – Lalín Oeste | 4,25 € |
| Bandeira – Lalín Centro | 4,25 € |
| Bandeira – Lalín Este | 4,25 € |
| Bandeira – Alto Santo Domingo | 4,25 € |
| Silleda – Lalín Oeste | 3,00 € |
| Silleda – Lalín Centro | 3,00 € |
| Silleda – Lalín Este | 3,00 € |
| Silleda – Alto Santo Domingo | 3,00 € |
Descontos da peaxe da AP-53
Xa viches que o prezo da peaxe Ourense Santiago é algo máis de 7 €, pero hai unha serie de bonificacións se viaxas con telepeaxe.
Na imaxe podes ver eses descontos da autoestrada AP-53, en vigor dende abril do 2025, e que che explicamos a continuación para os vehículos lixeiros:
- Gratis todos os traxectos de volta que se realicen no prazo máximo de 24 horas: se es habitual no mesmo percorrido (igual de ida e de volta), bonifícache o 100% do prezo da peaxe do percorrido de volta calquera día da semana, festivos incluídos.
- Bonificación adicional do 50% do importe pagado de todos os percorridos realizados nese mes: se realizas 20 desprazamentos ou máis ao mes, considérase recorrencia extraordinaria e aplícase unha bonificación adicional do 50% ao importe pagado de todos os percorridos.
Peaxe A Coruña Ourense 2026
E se queres ir da Coruña a Ourense? Nese caso terás que coller a AP-9 dende A Coruña ata Santiago e aí tomar a AP-53, que che acabamos de contar.
Ambas as dúas autoestradas son de pago, entón a peaxe A Coruña Ourense 2026 ten este custo:
- AP-9 A Coruña - Santiago: 8,80 €.
- AP-53 Santiago - Ourense: 7,25 €.
O total de peaxe entre A Coruña e Ourense é de: 16,05 € (sen bonificacións).
Xa viches que na AP-53 hai unha serie de descontos. E por aquí deixámosche máis información sobre prezos e descontos da AP-9:
Esperamos que esta guía sexa de utilidade e que teñas boa viaxe.
Fonte imaxe de cabeceira: Acega.