Estamos nunha nova era, a da transformación dixital, que continuamente e a gran velocidade nos sitúa antes novos retos fronte aos que as telecomunicacións son un elemento clave polo seu papel central na dixitalización da sociedade e na economía, prestando servizos tecnolóxicos e de comunicacións tanto a persoas como a empresas.
A disrupción tecnolóxica obriga a unha evolución continua dos servizos de comunicacións, sendo necesaria unha innovación constante para deseñar novas estratexias; a explotación de novos modelos de negocio coa tecnoloxía como o habilitador necesario, aínda que non sexa o único nin suficiente; e transformar os procesos, persoas e servizos e o emprego de metodoloxías áxiles.
Falamos dun sector altamente competitivo ao que se incorporaron ademais grandes compañías que prestan servizos OTT: Netflix, Amazon, Microsoft, Google… e que entran en competencia directa cos operadores tradicionais ao ofreceren servizos e contidos a través de internet cunha experiencia dixital sen a implicación destes operadores.
Neste contexto, o papel de R, como asesor tecnolóxico integral, pasa por ir máis aló e apostar pola incorporación das últimas tecnoloxías TIC despregadas ata o momento e incorporar tecnoloxías emerxentes como Internet das cousas, Big Data, Intelixencia Artificial ou Chatbots.
A intelixencia dos datos como factor diferencial
As empresas están a apostar claramente polo dato, o seu activo máis importante das empresas e clave na estratexia de dixitalización de compañías que aspiran a ser 100% Data Driven (orientadas ao dato). É importante desenvolver plataformas Big Data específicas que nos permitan ás empresas de telecomunicacións e aos nosos clientes empresariais unha explotación dos datos de maneira máis efectiva a través de técnicas de analítica avanzada e Intelixencia Artificial en tempo real.
Doutra banda, outro factor clave no futuro das empresas será a Intelixencia Artificial, de aí a importancia de canalizar todos os avances tecnolóxicos e innovación cara ao Machine Learning tanto para usos internos como dos nosos clientes.
En calquera caso, os desafíos técnicos na contorna dixital requiren dispoñer das plataformas, tecnoloxía, coñecemento e experiencia de persoal experto altamente cualificado, ademais de establecer alianzas sólidas con socios tecnolóxicos especializados. A cooperación e a formación convértense en factores determinantes nas vosas empresas no camiño exitoso cara á dixitalización das empresas.
Máis cedo que tarde notaredes nas vosas empresas os beneficios destas innovacións e transformacións: maior competitividade, eficiencia e capacidade para responder aos novos comportamentos dos clientes cunha aposta clara por modelos comerciais e clientes dixitais; coñéceselles máis e, deste xeito, as decisións comerciais pódense axustar mellor ás súas expectativas, o cal afecta directamente á xeración de ingresos, á diminución de baixas e á maximización da conversión a novas vendas.
En definitiva, cómpre que toda a empresa sexa consciente e coñecedora de que se tecnoloxía e innovación van aliñadas co negocio seredes capaces de ofrecer uns servizos de valor, diferenciais e altamente competitivos e dispoñer da madurez e da mentalidade dixital necesaria para contribuír a unha sociedade que é 100% Nativa Dixital.
Estás interesado nas nosas solucións tecnolóxicas para a empresa? Se queres saber máis, subscríbete ao noso boletín. Tamén podes contactar co equipo da área comercial Empresas.