R organizou unha nova edición da Semana das Tendencias TIC que tivo lugar do luns 9 ao venres 13 de marzo e en formato virtual.
Nesta ocasión, as xornadas estiveron dedicadas a Cloud, workplace, ciberseguridade, Business Apps / Datos, Intelixencia Artificial e IoT (Internet das cousas). Cinco sesións de 30 minutos de duración sobre cinco temas diferentes que están a marcar os novos tempos e que nos propoñen solucións para os actuais procesos de transformación dixital das empresas.
Cloud e Dixital Workplace: claves para escalar o negocio
A Semana das Tendencias TIC arrincou con KYNDRYL como partner.
Enrique Rodríguez, Cloud Leader for Iberia, e Luis Aguilar Mateo, Líder de Dixital Workplace Services de Kyndryl, repasaron a evolución do mercado cloud actual.
Enrique Rodríguez achegou cifras que confirman a súa relevancia e as súas expectativas de crecemento; en concreto, entre 2026 e 2027 alcanzará o trillón de dólares. Tamén destacou o auxe do private cloud, da Intelixencia Artificial e do despregamento de centros de datos en España. E, ademais, subliñou tendencias como: IA, Multicloud, Cloud Soberano e FinOps, así como temas de seguridade e control de acceso e plataformas de enxeñería.
Pola súa banda, Luis Aguilar expuxo as tendencias en relación co workplace e defendeu a importancia de mellorar a experiencia dixital dos empregados dentro das empresas: medir a experiencia de usuario, automatizar procesos e utilizar asistentes virtuais con intelixencia artificial poden aumentar a produtividade e mellorar o servizo ao cliente. Sinalou, ademais, que no futuro os centros de operación de experiencia serán unha tendencia crave.
IA, Tempo & Persoas: un novo enfoque na ciberseguridade
Na segunda sesión da semana, con PALO ALTO como partner, José Suárez de la Puente, Public Sector Sales Manager - Northern Spain, explicou que a velocidade dos ciberataques superou a capacidade de reacción humana. Tras este punto de partida, falou sobre a necesidade de ir cara a unha automatización do noso SOC (Centro de Operacións de Seguridade).
Doutra banda, situou ás persoas como obxectivo principal da IA xenerativa, con ataques de phishing cada vez máis sofisticados e deep fake máis realistas. O seu consello: políticas de Zero Trust, verificar e non confiar.
Do caos á claridade: unha sesión estratéxica para unha nova era dos datos
Na terceira sesión, foi a quenda de AVEPOINT, onde Miguel Sanz, Senior Account Executive, sinalou que o enorme crecemento de datos fai que a súa xestión sexa cada vez máis complexa para as empresas e que, aínda que o dato é moi valioso, moitas organizacións non teñan suficiente control sobre el.
Destacou que ata un 86% das organizacións atrasaron proxectos de IA por preocupacións relacionadas coa seguridade e a calidade dos datos. Para afrontar estes retos, AvePoint presentou solucións que permitan establecer unha matriz de riscos e tomar decisións a longo prazo.
IA Axéntica en Operacións de Rede: O caso de éxito de MasOrange con Gemini
A IA axéntica foi a protagonista desta cuarta sesión con DEVOTEAM. Alejo González, Enxeñeiro de Preventa de Data & AI, presentou un caso real de uso de intelixencia artificial axéntica aplicado ás operacións de rede do grupo MasOrange (ao que pertence R), onde os datos de incidencias de rede — centralizados en Jira e procesados con BigQuery — permiten que a IA clasifique, priorice e detecte anomalías de maneira proactiva. A IA axéntica toma decisións, executa accións e intégrase con sistemas internos.
Ecosistemas intelixentes: tecnoloxía que transforma espazos e multiplica o ROI
A Semana das Tendencias TIC 2026 concluíu con ADMIRA. O seu Director de Alianzas, Guillermo Grau, destacou que o mundo dixital transformou a experiencia do consumidor. Neste contexto, as pantallas deben ser dinámicas e os espazos físicos convértense en plataformas tecnolóxicas.
A xestión dos datos é un dos grandes retos. Apoiándose na tecnoloxía como transformadora de espazos e multiplicadora do retorno do investimento (ROI), aparecen os ecosistemas intelixentes. Tecnoloxías como IoT e IA permiten xestionar datos, tomar decisións e tarxetizar a experiencia do consumidor, ademais de proporcionarnos sistemas escalables e personalizables.
A Semana das Tendencias TIC 2026 consolidouse como un espazo no que compartir experiencias e coñecementos sobre as tecnoloxías que están a marcar a transformación dixital e a innovación nas empresas.
Se queres saber máis sobre as nosas solucións tecnolóxicas para empresas, contacta co teu asesor persoal ou co noso equipo da área comercial de R Empresas a través do seguinte formulario. E para estar ao día das últimas noticias síguenos en LinkedIn.