Unha das preocupacións máis importantes dunha empresa é entender ao seu cliente para poder chegar a el e satisfacer as súas necesidades. Antes de establecer ningunha estratexia é necesario definir a quen vai dirixida e para iso debes concretar ao teu buyer persoa.

Pero… que é un buyer persoa?

Un buyer persoa é unha representación do teu cliente final que se constrúe a partir dos seus datos demográficos, persoais, laborais e obxectivos que ten marcados.

Unha vez recompilados todos estes datos debes analizalos para obter o perfil do teu buyer persoa, en ocasións unha empresa pode ter máis dun tipo de buyer persoa.

Como definir ao teu buyer persoa?

Antes de definir o teu buyer persoa tes que recompilar moita información que necesitas poñer en orde e para iso o máis recomendable é que desenvolvas o teu método propio adaptándoo aos obxectivos da túa empresa combinándoo coa necesidade de coñecer as necesidades dos teus potenciais clientes.

Para recoller a información necesaria para o teu buyer persoa o método máis adecuado é a enquisa ou entrevista a clientes actuais e potenciais clientes e, a partir desta información, poderás organizar unha base de datos cos seguintes contidos:

  • Nome, apelidos e datos biográficos
  • Datos laborais
  • Necesidades e motivacións relacionadas co teu sector
  • Obxectivo que busca o cliente no teu produto ou servizo
  • Limitacións que o cliente atopa no teu produto ou servizo

Estratexia

Ao finalizar a recollida de información podes comezar a realizar a análise dos datos para segmentar os teus buyer persoas e definir as necesidades de cada un.

Cos resultados obtidos podes definir a túa estratexia de márketing e tamén a de comunicación porque toda esta información tamén che axudará á hora de definir o teu calendario editorial no teu blog, redes sociais e diferentes canles de comunicación.

É dicir, non é o mesmo que o teu cliente tipo sexa un millennial, que alguén con fillos ou ben dunha zona xeográfica concreta. A partir de aí tes que pensar nos seus intereses, en que tipo de mensaxes lles gustan e pensar sempre nel. Lembra que o que moito abarca pouco aperta, así que mellor centrar sempre o tiro .

Ata a próxima!

Imaxe de Clem Onojeghuo