Chegou outubro e o tempo do outono vaise facendo sentir. Todos pensamos na manta e no sofá para poder gozar da televisión que che ofrecemos en R. Chegan moitas novidades que non non podes deixar pasar. Podes gozar da canle Dark e da súa nova serie Hay algo en el bosque ou dos novos episodios de Evil – T4 na canle Syfy.
En COSMO terás unha nova tempada de Mismatch, Canal Cocina axudarache coa planificación das túas comidas diarias cun esepcial de friameiras, Discovery celebra a semana espacial en outubro, Warner TV emitirá para toda a familia os filmes de Los Croods e para os máis afeccionados ao fútbol, os partidos do Deportivo e do Rácing de Ferrol en LaLiga Hypermotion.
As plataformas non se quedan atrás e tamén veñen cargadas neste mes de outubro. Podes ver a película de Zendaya Rivales en Prime Video, El Hoyo 2 en Netflix e a serie La franquicia en Max.
Estas son as estreas de outubro na televisión que podedes gozar a través de R.
Hay algo en el bosque, en DARK: dial 117
Outubro é o mes do terror por excelencia e na televisión que podes gozar a través de R poñémosche en aberto a mellor canle para gozar deste mes: Dark.
Para aproveitar esta oportunidade, non podes deixar escapar a nova serie de estrea de Dark: Hay algo en el bosque. Unha serie na que un grupo de descoñecidos atópase nunha cabana illada no bosque e terán que enfrontarse aos seus propios pesadelos para sobrevivir e descubrir un enigma agochado tras un libro de feitizos e unha xoia roubada.
Non te perdas os 8 episodios para descubrir que este bosque está cheo de perigos, como criminais, monstros e extraterrestres.
- Estrea: martes, 15 de outubro, ás 22:50 h. en Dark en aberto (dial 117)
- Emisión: semanal
- Baixo demanda: en rebobina
Evil - T4, en Syfy: dial 27
Chegou o final máis esperado da serie máis terrorífica de Syfy. A última tempada de Evil -T4 estréase o 3 de outubro e promete fortes emocións co nacemento do anticristo. Evil investiga os misterios sen resolver da Igrexa a través dos ollos dunha psicóloga escéptica, un sacerdote católico e un experto en tecnoloxía.
Non te perdas a estrea de Evil -T4 en Syfy e todas as tempadas anteriores baixo demanda en Universal+.
- Estrea: xoves, 3 de outubro, ás 22:00 h. en Syfy (dial 27)
- Emisión: todos os xoves, ás 22:00 h.
- Baixo demanda: en rebobina
Mismatch - T3, en COSMO: dial 25
As irmás Vanessa Tancelin e Justine Rameau, unha detective rebelde e unha xuíza meticulosa, regresan a COSMO en outubro nunha nova entrega da serie policial francesa Mismatch - T3. Novos crimes agardan ser resoltos en Estrasburgo polas irmás Tancelin, pero, ademais, nesta nova tempada coñeceremos máis sobre a vida persoal das dúas protagonistas: unha Justine emocionada tras a súa separación e unha Vanessa que se enfronta a un duro golpe emocional. .
- Estrea: domingo, 6 de outubro, ás 22:00 h. en COSMO (dial 25)
- Emisión: todos os domingos, ás 22:00 h.
- Baixo demanda: en rebobina
La semana del espacio, en Discovery: dial 51
Do 4 ao 10 de outubro, Discovery celebra La semana del espacio cos mellores físicos, investigadores e astrónomos, que arroxarán luz sobre grandes misterios do universo como os buracos negros, as expedicións á Lúa, os extraterrestres…
Entre todas as ofertas de Discovery que non podedes perder: Misterios de la llegada a la luna, o venres 4 ás 16:45 h; Last exit space, o venres día 4 ás 22:00 h; La historia del universo, o sábado 5 ás 22:00 h; Nasa, archivos desclasificados, do 5 ao 10 ás 20:15 horas; ou Los secretos del universo con Morgan Freeman, de 17 a 9 ás 23:55 h.
- Estrea: do venres 4 ao xoves 10 de outubro en Discovery (dial 51)
- Baixo demanda: en rebobina
Devuélveme los tápers, en Canal Cocina: dial 58
Canal Cocina adéntranos nas historias máis íntimas e familiares a través deses pequenos recipientes de almacenamento que son friameiras. Abrimos as cociñas de xente que contará as súas historias e as súas emocións a través do cariño que poñen na preparación das friameiras. Na serie Devuélveme los tápers visitaremos cidades como Ferrol, Vigo ou Ourense para descubrir esas historias anónimas que amosan a súa paixón pola cociña a través destes recipientes. Non te perdas esta estrea de Canal Cocina.
- Estrea: martes, 1 de outubro, ás 22:30 h. en Canal Cocina (dial 58)
- Emisión: todos os martes, ás 22:30 h.
- Baixo demanda: en rebobina
Especial Los Croods, en Warner TV: dial 22
Reserva o domingo 13 de outubro. Ese día tes un plan familiar inevitable. Warner TV ofréceche unha maratón de Los Croods. Poderás ver seguidas e sen interrupcións as películas Los Croods: Una aventura prehistórica e Los Croods: Una nueva era. . Divírtete coas aventuras da familia Neandertal fóra da súa cova.
- Estrea: domingo, 13 de outubro, ás 15:45 h. en Warner TV (dial 22)
- Baixo demanda: en rebobina
E se tes a opción Total TV, apunta estas estreas:
Deportivo e Racing de Ferrol en LaLiga Hypermotion: dial 76
Vive toda a emoción do fútbol en LaLiga Hypermotion e anima aos nosos equipos dende a comodidade da túa casa. O Racing de Ferrol enfróntase en outubro ao Elxe (día 5), ao Cartaxena (día 12), ao Huesca (día 20), ao Burgos (día 24) e ao Tenerife (día 27) para escalar postos na táboa. Pola súa banda, o Deportivo comeza o mes xogando na casa ante o Málaga (día 6), viaxará á Comunidade Valenciana para enfrontarse ao Elxe (día 13) e despois enfrontarase ao Eldense na casa (día 19), ao Levante no seu campo (día 24) e ao Racing de Santander de novo en Riazor (día 27). Non te perdas ningún partido no dial 76 da televisión que podes gozar a través de R.
Destacados en Netflix, Max e Prime Video
Rivales, en Prime Video
Zendaya xa non é unha promesa de cinema, xa é unha estrela mundial. Todas as súas películas son eventos que espertan paixóns e a súa última peza chega a Prime Video en outubro para o maior goce dos seus seguidores. En Rivales, Zendaya ponse na pel dunha antiga tenista que agora adestra ao seu marido para participar no torneo Challenger. Alí atoparase ao seu ex-mozo. Triángulo amoroso que navega entre o erótico e o perverso.
- Estrea: dende outubro en Prime Video.
El Hoyo 2, en Netflix
A primeira parte foi un fenómeno global inesperado. Non deixes que esta segunda parte te colla por sorprenda. El Hoyo 2 chega a Netflix o 4 de outubro. A nova película de Galder Gaztelu-Urrutia volve á prisión de celas verticais, onde unha recén chegada cuestionará o método de distribución de alimentos da prisión.
- Estrea: venres, 4 de outubro en Netflix.
La franquicia, en Max
Se es un amante das series de superheroes, estás de sorte. Max lanza La franquicia en outubro. Oito episodios nos que un grupo disfuncional de persoas se atopa atrapado no tolo inferno das franquías de películas de superheroes. Detrás desta rechamante comedia, coa que rirás un rato, está o director Sam Mendes. Estréase o 7 de outubro e cada semana poderás ver un novo episodio ata o 25 de novembro.
- Estrea: luns, 7 de outubro en Max.
O outono pode traer o mal tempo, pero non te aburrirás de todas as estreas que atoparás na televisión que podes gozar a través de R.