menú
Las tradiciones de San Juan

As tradicións de San Xoán

19/06/2020
Blog R

Parece que as celebracións de San Xoán van ser un pouco diferentes desta volta, pero non nos cabe dúbida de que seguirán sabendo a sardiñas e cheirando a herbas de San Xoán. Hai moitas meigas que espantar este ano e aquí temos unhas cantas tradicións para facelo.

Saltar as fogueiras

Co lume escorrentamos as meigas e os malos espíritos, queimamos o malo e atraemos a boa sorte. O número de veces que se debe saltar a fogueira varía dunhas zonas a outras: nove, sete ou, simplemente, número impar. Aquí nunca nos poñemos de acordo . Tampouco no berro de guerra: uns entoan un “Meigas fóra!”, mentres que outros saltan a fogueira con este dito popular:

Salto por riba
do lume de San Xoán,
para que non me morda
cadela nin can
nin bicho vivinte
que ande polo chan.

E logo cada un, engade algo da súa propia colleita: queimar listas, apuntamentos ou mesmo roupa vella.

Bañarse no mar

A auga como símbolo de purificación está moi arraigado nos nosos costumes. A tradición conta que se te bañas no mar durante a noite de San Xoán gozarás de saúde. Dise que hai que facelo de costas, mentres a lúa brille… pero sempre con sentidiño .

A auga tamén representa a fertilidade e para atraela, as mulleres que desexan quedar embarazadas deben saltar nove ondas na praia da Lanzada. Iso si, a medianoite e de costas. Será máis fácil se o mar está acougado e a auga non moi fría, pero aquí nunca se sabe.

Herbas de San Xoán

Lavar a cara o día 24 coas sete herbas de San Xoán protexerate dos malos espíritos e espantará o mal de ollo. Seguindo polo libro a tradición, a auga debe collerse en sete fontes, o que se coñece como “facer o cacho”, e deixar a auga coas herbas á rosada durante a noite anterior.

Cada cal ten a súa “receita”, pero seguro que fiúncho, romeu, herba luisa e herba de San Xoán non poden faltar.

Sardiñas

Xa o di o refrán “Por San Xoán a sardiña molla o pan”. A tradición por excelencia é asar sardiñas e comelas cunha boa broa. Para acompañalo non pode faltar a queimada: “Mouchos, curuxas, sapos e bruxas”.


Seguro que coñeces máis tradicións da noite máis curta do ano. Estamos a desexar escoitalas .

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

0 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.