menú

Syfy enche de ciencia ficción a túa televisión R en abril

31/03/2021
Blog R

O mes de abril preséntasenos repleto de fantasía e ciencia ficción na televisión R, coa canle Syfy en aberto a partir do martes 30 de marzo.

Atréveste a mergullarte nun universo televisivo infestado de misterio, mitoloxía, sucesos paranormais, superheroes, acción, aventura e, sobre todo, moita ciencia ficción en todas as súas versións?

O máis destacado de abril

En abril, Syfy achéganos ao ‘planeta vermello’ coa primeira misión tripulada a Marte. A tripulación inclúe científicos de alto nivel e unha nova psiquiatra, responsable da súa saúde mental. Pero xusto cando están a piques de aterrar, algo sae mal. A serie ‘Missions’, dende o luns 19 de abril ás 22:00 h.

Wynonna Earp segue loitando contra demos e outros seres sobrenaturais en Syfy. A bisneta de Wyatt Earp, tras varios anos fóra, regresa á súa cidade natal para asumir de mala gana o papel que lle tocou como herdeira. Usando as súas habilidades únicas, unha arma máxica e xunto aos seus aliados, Wynonna debe tentar evitar que os Revenants se apoderen da cidade. A cuarta tempada do thriller ‘Wynonna Earp’ estréase o xoves 1 de abril.

Que non falte o humor. Non perdades as vivencias dun extraterrestre accidentado que debe asumir a identidade dun médico nun pobo pequeno. Como vos podedes imaxinar, non lle vai resultar nada fácil encaixar coa poboación humana local. En abril, novos episodios de ‘Resident Alien’, a comedia de ciencia ficción baseada nos cómics de Dark Horse.

E, ademais, o mellor cine do xénero

En Syfy hai espazo para extraterrestres, alieníxenas e todo tipo de heroes. ‘Bunraku’, ‘Solomon Kane’, ‘The Amazing Spiderman’ e mesmo un ‘Especial Blancanieves’ son só algunhas das moitas opcións de cine que a canle preparou para este próximo mes.

En abril, deixa voar a túa imaxinación con Syfy, a canle que atoparás en aberto no dial 117 da televisión R. E a partir de maio podes desfrutar de Syfy dentro do paquete TV total.

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

4 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.