blog R

Coñeces a nosa canle repleta de fantasía e ciencia ficción? Syfy está en aberto para os clientes de televisión R dende o luns 7 de setembro.

Misterio, mitoloxía, superheroes, acción, aventura e, sobre todo, moita ciencia ficción en todas as súas versións. Con series exclusivas e longametraxes que se converteron en fenómenos mediáticos.

‘Vagrant Queen’, unha serie doutra galaxia

Syfy comeza o curso con ‘Vagrant Queen’, adaptación da serie orixinal de cómics homónima publicada por Vault Comics e inédita en España.

‘Vagrant Queen’ segue a Elida, de nena raíña a orfa marxinada, mentres limpa os recunchos traizoeiros da galaxia, sempre un paso por diante do goberno da República que busca extinguir a súa liña de sangue. Cando o seu vello amigo Isaac aparece afirmando que a súa nai, Xevelyn, aínda está viva, marcha co seu novo aliado Amae para organizar un rescate enfrontándose para iso a un vello e mortal inimigo, o Comandante Lázaro.

Divertida, violenta e sarcástica, así definen a serie, vas perdela?

‘Los 100’, un futuro incerto

Tamén en setembro despedimos unha das series máis emblemáticas da canle: ‘Los 100’.

Durante seis tempadas, os nosos heroes fixeron todo o posible para sobrevivir na Terra … e nada funcionou. Agora, despois de 125 anos viaxando a través das estrelas, espertan nun novo fogar, un lugar onde poden volver tentalo. Pero pronto descobren que na idílica sociedade de Sanctum non todo é o que parece.

Descubre coa televisión R que novas peripecias agardan a Bellamy, Clarke, Octavia e compañía.

O mellor cine do xénero

Botabas en falta cine? Na grella de Syfy hai espazo para extraterrestres, alieníxenas, bruxos e tamén para heroes de carne e óso. Desfruta en setembro das mellores pelis da saga Alien ou Arthur, de títulos clásicos como ‘E.T., el extraterrestre’ e da mellor acción con ‘Un golpe sobrenatural’, ‘The Host’ ou o ciclo dedicado a Nicolas Cage.

Syfy fará voar a túa imaxinación en setembro. Desfrútao! E a partir de outubro podes dispoñer da canle Syfy dentro do paquete TV total.