menú

Nat Geo Wild dedícalles a semana aos océanos

02/06/2020
Blog R

Son os pulmóns do planeta. O luns 8 de xuño celébrase o Día Mundial dos Océanos, unha ocasión que a canle Nat Geo Wild aproveita para emitir un especial dedicado aos nosos océanos.

O Día Mundial dos Océanos celébrase dende 2009. Cal é o seu obxectivo? Sensibilizar a poboación mundial sobre a necesidade dunha xestión sostible dos océanos. Os océanos cobren máis do 70% da superficie do globo e xeran a maior parte do osíxeno que respiramos, son a maior fonte de proteínas do mundo e absorben case o 30% do dióxido de carbono producido polos humanos. Non cres que merecen ser atendidos?

Este ano, o tema do Día Mundial dos Océanos 2020 das Nacións Unidas é ‘Innovación para un océano sostible’.

Unha viaxe ás profundidades entre tiburóns

Nat Geo Wild únese á celebración cunha programación especial que se emitirá dende o luns 8 de xuño ata o sábado 13 de xuño.

Esta ‘Semana dos Océanos’ inclúe a estrea en dúas partes da serie ‘Maravillas de las profundidades’, con imaxes espectaculares de especies que evolucionaron para sobrevivir no sempre hostil mundo das profundidades.

E en ‘Peces Monstruosos: tiburones alfa’ o biólogo mariño Zeb Hohan atópase con algúns dos habitantes máis perigosos do océano: os tiburóns touro, os tiburóns martelo ou os tiburóns de balea xigantes.

O especial tamén recupera algúns documentais históricos na canle como ‘Los secretos del Mediterráneo’, ‘La isla de los tiburones’ ou ‘Cruce de océanos’.

Así que, xa sabes, o luns 8 de xuño, os océanos son as estrelas. Úneste á conmemoración do Día Mundial dos Océanos con Nat Geo Wild na televisión R?

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

0 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.