menú

Un Nadal con Canal Panda en aberto

02/12/2019
Blog R

Xa está aquí o Nadal! Este ano xogaremos, aprenderemos idiomas, descubriremos novas culturas, reciclaremos e mesmo nos converteremos en “cocinillas”. Como? Na televisión R propuxémonos que este Nadal fose máis especial que nunca para os máis pequenos da casa. Dende o luns 2 de decembro, a canle Panda está en aberto para todos os/as clientes/as.

Aínda non coñeces a Masha, Duggee, Cleo & Cuquín, Los hermanos Kratt, Pingu, Fred ou Luna? O seu lugar de encontro é Canal Panda, unha cadea de televisión infantil dirixida a nenos de entre 4 e 9 anos.

Unha canle pensada para os nenos

A súa programación está especialmente deseñada para os nenos e nótase nos seus contidos, sempre divertidos, amables, tolerantes e comprometidos. A canle mesmo ten unha mascota, que tamén se chama Panda.

As súas producións son maioritariamente españolas e distribúense en tres franxas horarias: preescolar, infantil e series de sempre. En ningunha delas faltan as series de aventuras e viaxes repletas de personaxes intrépidos e entrañables.

Sabedes cal é a palabra favorita da canle Panda? Crear. Aprendemos a facer disfraces, cofres para gardar tesouros, dinosauros e ata un helicóptero en “Panda y la ciudad de cartón“; sacamos ao artista que todos levamos dentro con “A cuadros”; ou descubrimos ese lugar no que calquera baile do mundo se pode facer realidade en “Baila con Panda y Lola”. Preparado?

Outlet de R Lenovo D330 4GB + 64GB

Premios e recoñecementos

Os de canal Panda entenden moito de premios. As súas series son asiduas a galas de premios. Dámosche un par de exemplos:

A pequena Masha recibiu o Premio 2015 Kidscreen á mellor serie de animación infantil; o Premio á mellor serie de televisión no Festival de Animación de Bradford en Reino Unido; e o Premio do xurado na 14ª edición do Festival de Cine Internacional ‘Schlingel’ en Alemaña.

Os intrépidos irmáns Kratt é unha serie avalada por premios como o Silver Parents’ Choice Awards e unha nominación ao Emmy.

E este Nadal, que nos espera en Canle Panda?

Para empezar, Panda proponnos un Nadal con especiais de Naturgato e Luna. Apetéceche?

O marsupial Leo, a bolboreta Carmen e a ra Andy son tres amigos que percorren o mundo co espectáculo do “Circo Fabuloso” no que traballan os seus pais. E teñen en Luna a unha amiga que os guía en cada destino e lles ensina o idioma ou os costumes locais. Apúntate a coñecer novas culturas con ¡Vamos, Luna!

Outlet de R Lenovo D330 4GB + 64GB
O gato Fred está a desexar explorar as marabillas do exterior. Só hai un pequeno problema: ten cero instinto para a natureza. Pero aí está a súa cuadrilla de amigos para axudalo. Acompañamos a Fred no seu paseo pola natureza?

Chegan “Los Superminihéroes”

“Los Superminihéroes” é unha nova serie de aventuras que estrea Canal Panda. Nela, uns divertidos animais son quen de converter os seus pequenos “defectos” en superpoderes e así transformarse en auténticos heroes. Todos somos Superminihéroes en potencia!

Outlet de R Lenovo D330 4GB + 64GB

Con novos episodios de Alice e o seu Unicornio

E non podiamos ter unha canle infantil sen unicornios, polo menos un. Alice non cre en unicornios nin “cousas raras”. Pero na súa festa de aniversario preséntase un invitado inesperado: un Unicornio. E dende ese momento debátese entre querelo como o seu novo mellor amigo ou odialo por entrometerse na súa ordenada vida. A serie está baseada nun libro do mesmo nome.

Ocórreseche algún plan mellor para este Nadal? Non perdas Canle Panda en aberto en decembro. A desfrutar!

E recorda que a partir de xaneiro podes seguir gozando de Panda coa opción nenos por só 5€/mes.

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

14 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.
  1. Avatar Inés di:

    Non me parece un bon agasallo deixar esta canle en aberto por Nadal, xa que está dirixida so a nenos. Poderiades incluir algo para usuarios de cine e series polo prezo que facturades. Bo nadal.

    • blog R blog R di:

      Ola, Inés.

      Todos os meses abrimos unha canle. Intentamos sempre abarcar diferentes públicos e temáticas.

      Pensamos que desta vez, polas datas nas que estamos, abir unha canle infantil sería interesante para os cativos da casa.

      En rebobina, por exemplo, temos agora un especial gratuíto cunha vintena de películas do Festival Internacional de Xixón.

      Bo nadal tamén para ti e os teus.

      Un saúdo.

  2. Avatar remedios di:

    Tengo que resintonar el aparato para verlo?

  3. Avatar Adrián di:

    Unha pregunta, para ó móbil no hai ningunha promoción? É que por exemplo en Vodafone regalan datos ilimitados. Xa poderiades facer algo así. Bo nadal de antemano!

  4. Avatar rtavigo di:

    moito rollo e … ¿cal e o nº do canle, e tan complicado decilo?

  5. Avatar Vero di:

    Resintonicei o aparato e segue sen aparecer a canle panda. Cal é o problema?

  6. Avatar Cristina Gonzalez di:

    Hola esa canle deberia estar xa incluida no paquete da tele total non ten sentido que haxa que pagar outro paquete solo por esa canle. Muy mal e fatal tamen que non apareza nick junior no rebobina

    • blog R blog R di:

      Ola, Cristina.

      A canle Panda, polo de agora, forma parte da opción infantil de televisión, polo que é necesario contratar a opción.

      Tomamos nota da túa suxerencia e se hai algunha novidade ao respeto, publicarémolo polas canles habituais.

      En relación a que a canle Nick Jr inclúase en rebobina, non depende de nós, se non dos permisos que nos dá a propia canle.

      Un saúdo.