blog R

Dende o luns 8 de febreiro e ata final de mes temos dispoñible gratis, en rebobina, un ‘Especial Cine Francés’, composto por un total de 18 títulos, entre os que hai dende grandes clásicos ata películas contemporáneas que foron recoñecidas e galardoadas en prestixiosos festivais.

Propoñémosvos unha cinematográfica viaxe por Francia comezando con títulos como o inesquecible ‘Hiroshima mon amour’; os musicais clásicos ‘Los paraguas de Cherburgo’ e ‘Las señoritas de Rochefort’; ou o multipremiado ‘Cuento de otoño’, de Éric Rohmer.

O especial inclúe tamén películas recoñecidas nos premios máis importantes como ‘Caras y lugares’, documental nominado ao Óscar, e ‘Mustang’, nominada a Mellor película de fala non inglesa nos premios Óscar, Globos de Ouro e BAFTA.

O cine de animación está presente con ‘El malvado zorro feroz’. E tamén o humor, coas comedias ‘Guillaume y los chicos, ¡a la mesa!’, ‘Mañana empieza todo’, ‘El Chef, la receta de la felicidad’ e ‘Los mejores amigos del mundo’; con romance incluído en ‘Un amor de altura’; e con celos incorporados en ‘Algo celosa’.

‘El insulto’ é un drama xudicial co conflito do Líbano como pano de fondo. E as secuelas da guerra tamén están presentes en ‘Alto el fuego’.

No noso especial non faltan as mulleres con carácter e valentía: en ‘Darling’, en ‘Madame Marguerite’ e na súa vertente máis dura, en ‘Revenge’.

En febreiro convidámoste a desfrutar do mellor cine chegado dos nosos veciños do norte. Non perdas o ‘Especial Cine Francés’ na televisión R.