blog R

O luns 31 de outubro, Buzz (dial 12) convértese en Dark, a canle que ten como protagonista un novo concepto de terror. É dicir, que estará dispoñible para os clientes de TV total.

Dark emitirá series e cine de todos os subxéneros do terror: comedias de terror, cine fantástico, slasher, horror psicolóxico, anime…

De entrada, para celebrar Halloween, Dark estrea ‘Ash vs Evil Dead’ cun maratón que inclúe os dez capítulos da primeira tempada o luns 31 de outubro a partir das 666 (18:06:06, en referencia á hora da besta). Protagonizada polo actor, produtor e director Bruce Campbell, traslada á televisión o mundo creado por Sam Raimi na saga ‘Posesión Infernal’, recuperando tramas e personaxes e homenaxeando ao cine de serie B que aterrorizou ao público dos anos 80.

Tamén as miniseries ‘Beyond The Walls’ e ‘Rosemary’s Baby’ e as series ‘Teen Wolf’ e ‘True Blood’ chegarán proximamente á canle.

O cine tamén estará moi presente na grella de Dark. Durante o mes de novembro, emitirase o ciclo temático ‘Bon apetit’, centrado nas películas sobre canibalismo. Máis adiante chegará ‘Gotelé sangriento’, onde as casas encantadas obteñen o protagonismo, ou ‘Contigo no, bicho’ coas criaturas máis terroríficas.

E as últimas estreas atoparán o seu espazo de programación en ‘Fila 666’.

Dark é a única canle en España dedicada integramente ao terror e busca aproveitar o crecemento do consumo do xénero que se produciu no último ano. Preparado para pasar medo?