menú
R, la primera empresa de telecomunicaciones que se acreditará con la Huella Fiscal de la Fundación Knowcosters

R, a primeira empresa de telecomunicacións que se acreditará coa Pegada Fiscal da Fundación Knowcosters

28/10/2019
Blog R

En R apostamos pola transparencia e a sustentabilidade, un compromiso que materializamos a través da Fundación Knowcosters e a súa Pegada Fiscal (PF). R convértese así na primeira empresa de telecomunicacións que se acredita co selo que certifica a súa transparencia e compromiso en materia fiscal.

Pegada Fiscal

A Pegada Fiscal da Fundación Knowcosters é como o DNI dos produtos que compras. Este distintivo informa de que as empresas pagan os seus impostos, o IVE e o Imposto de Sociedades, no lugar de orixe onde se fabrican os produtos ou servizos que prestan. A Fundación Knowcosters cédeo gratuítamente co único requisito de que os datos achegados polas firmas solicitantes sexan veraces.

Grazas a este acordo de colaboración, R utilizará a Pegada Fiscal e entrará a formar parte da listaxe de máis de 100 empresas que dispoñen deste distintivo, que xa teñen outras grandes firmas como Corporación Alimentaria Peñasanta (Capsa Food), que conta entre outras marcas con Central Lechera Asturiana, Larsa e Innova Food.

Fundación Knowcosters

Como di o seu nome, Knowcosters busca que o consumidor coñeza os custos visibles e os custos indirectos dos produtos, os que non ven e pagamos todos: custo benestar e custo planeta.

Por iso promove o uso de ferramentas como a Pegada Fiscal, así como a Triple Marcaxe, unha etiquetaxe que indica non só o valor monetario senón as condicións das persoas implicadas no seu ciclo de vida e información sobre o coidado e protección do medio ambiente.

A Fundación Knowcosters, cuxo presidente fundador é o creativo, publicista e escritor Miguel Conde-Lobato, constitúese no 2013 para contribuír a que a sociedade coñeza as boas prácticas sociais e ambientais e o que en ocasións se esconde tras un prezo esaxeradamente baixo.

O seu obxectivo non é sermonar nin demonizar, senón informar promovendo un consumo transformador, que sexa quen de cambiar a sociedade incrementando o nivel de información veraz á hora de tomar unha decisión de compra.

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

0 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.