menú

Como celebran o Nadal os xogadores do Básquet Coruña?

23/12/2020
Blog R

Coámonos nos adestramentos dos xogadores do Básquet Coruña e contáronnos como pasan o Nadal.

En familia e con amigos, coa súa xente e esperando que todo vaia ben. Así se presenta este Nadal para os mozos do Básquet Coruña. Unhas datas que aproveitan para descansar e compartir bos momentos cos seus seres máis próximos ao redor da mesa.

Como a cociña da nai… ningunha

E que hai na mesa? Para Gaizka Maiza, nada como a minestra da súa nai ou a da súa avoa, algún peixe bo ao forno con ameixas e as croquetas da súa avoa. En casa de Javi Vega non faltan os entremeses, gambóns, polbo e cordeiro. E Dago Peña non pensa nun menú concreto, pero teno claro: ‘o que a xefa -a miña nai- faga’ :).

Para tomarse algo cos amigos, Javi é fiel á súa tradición de ir comer ao ‘Fosters’.

As recomendacións máis doces

En toda mesa de Nadal non pode faltar unha boa sobremesa, dende as tortas de Gorrotxategi ou Eceiza á repostería con toque dominicano que desfrutan na casa de Dago.

Para dixerir a enchedela, nada mellor que dar un paseo. Gaiza desfruta de cada recuncho da Coruña, pero Javi prefire evitar as multitudes dos días sinalados e escapa en calquera outro momento e Dago é máis de quedar na casa coa familia.

Que non falte unha boa peli

Para unha noitada de Nadal, hai clásicos que nunca fallan, como ‘El Señor de los Anillos’ ou ‘Solo en casa’.

Se prefires algo máis actual, Javi recoméndanos ‘Gambito de Dama’, unha serie de Netflix ‘entretida e non moi longa’ e a peli ‘La isla de las rosas’, baseada en feitos reais.

Que non pasa nada aínda que non sexa a típica peli de Nadal, como lle pasa a Gaizka, que o seu é a acción e a intriga e nunca é mal momento para ver ‘Inimigo ás portas’.

Bo Nadal!!

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

0 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.