menú

R chega a novos inmobles de Valga coa súa renovada rede de fibra óptica

18/02/2022
Blog R

Preto de 150 novos inmobles do núcleo de Campo, no concello pontevedrés de Valga, quedaron conectados a peche de xaneiro á nosa nova rede de fibra ultrarrápida do operador galego

Como sabedes, en R estamos a estender a tecnoloxía 5G e a modernizar a nosa rede de fibra, que arestora chega directamente aos fogares da comunidade, así que todos eles poden dispoñer xa dos servizos máis avanzados de telecomunicacións do mercado.

Despregadura de rede

Aos fogares e negocios dos núcleos de Desabanda e do Coto que quedaron conectados á infraestrutura do operador galego a finais do ano pasado, súmanse agora outros preto de 150 novos inmobles do núcleo de Campo.

Cando remate esta fase do Plan Avanza na que R traballa, preto de 270 residencias e empresas do concello pontevedrés terán conexión directa ás redes avanzadas do operador galego nos devanditos núcleos e máis no de Medela.

Disporán, así, de posibles accesos a internet de ata 10 xigas, wifi 6 e tele con deco Android 4K sen ningún custo adicional.

Máis fibra para a provincia de Pontevedra

Valga está situado na marxe esquerda do río Ulla. A súa parte norte ocúpaa o val deste río e cara ao sur hai dúas montañas: Monte Xiabre e Monte Xesteiras.

O Miradoiro do Monte Beiro está considerado o ‘balcón de Valga’. Ofrece magníficas vistas panorámicas do val e conta cun muíño de vento, hoxe restaurado, que data de principios do século XIX.

Un itinerario á beira do río Valga permítenos gozar da Capela dos Mártores, bosques, muíños e das Fervenzas de Parafita e Raxoi.

Ademais, en Valga atópase a lagoa máis grande da provincia de Pontevedra, Mina Mercedes, testemuña do rico pasado da zona en xacementos de arxila.

Iglesias, rutas e mesmo un popular Belén Artesanal en Movemento, declarado de Interese Turístico, son outros puntos de interese dun concello que agora gana en conectividade con casi 150 novos inmobles incluídos xa na rede de fibra óptica máis avanzada do mercado.

10 millóns de investimento e fondos europeos

Este e outros desenvolvementos de rede na provincia de Pontevedra forman parte dun dos tres proxectos do Plan PEBA-Avanza do Ministerio de Asuntos Económicos e Transformación Dixital dos que R resultou adxudicataria en 2018 para despregar a tecnoloxía FTTH en 512 núcleos de Galicia que non dispoñían de alta velocidade ata o momento (“zonas brancas”).

No desenvolvemento dos tres plans terase investido un total de 10M€, dos cales preto de 8M€ son subvencionados polos fondos FEDER da Unión Europea. En concreto, as despregaduras de Valga enmárcanse no proxecto destinado á extensión de redes de nova xeración en 154 núcleos de municipios do noroeste de Galicia (A Coruña, Norte de Pontevedra e Oeste de Lugo). Os traballos nestas zonas suporán un investimento total de 2,6M€.

A día de hoxe, só no marco do Plan Avanza, R chegou por primeira vez coas súas redes de nova xeración a núcleos de poboación das catro provincias galegas que nunca dispuxeran de alta velocidade nos concellos do Rosal, Monterroso, Palas de Rei, Boqueixón, Porto do Son, Curtis, Cuntis, Meaño, Mos, Pobra de Trives, Petín, Barreiros, Lourenzá, Ortigueira, Cariño, Camariñas, Muros, Cerceda, Antas de Ulla, Moraña, Guitiriz, Tomiño, Abegondo, Ribadumia, Combarro, Muxía, Valga, Vilaboa e Ponte Caldelas.

A rede máis rápida do mercado para os/as clientes/as de R

Os/as clientes/as de R dos núcleos de Valga conectados xa poden gozar dos servizos máis innovadores que lles ofrece a nosa nova rede de fibra do operador galego, coa posibilidade de accesos de ata 10 xigas, wifi 6 e tele con deco Android 4K sen ningún custo adicional. Estas vantaxes vanse traducir, entre outras cousas, nunha cobertura óptima dos servizos de R nos fogares e nunha maior capacidade de navegación con varios dispositivos á vez.

A nova rede de R, a máis rápida de España segundo o prestixioso estudo da empresa francesa nPerf, utiliza a tecnoloxía FTTH, que accede directamente aos fogares e permite velocidades simétricas (iguais de suba e de baixada) en toda a súa extensión. É a última tecnoloxía baseada no estándar XGS-PON, preparada para o futuro, idónea para simultanear tarefas de teletraballo, teleformación, videochamadas, streaming, gaming… etc. Un sistema que permite habilitar eses accesos de ata 10 xigas, o que supón 4 veces máis capacidade de descarga que a tecnoloxía actual e ata 8 veces máis capacidade de subida.

Cambio de equipos gratuíto e 5G

A medida que se vai despregando a nova rede, os/as clientes/as de R son avisados/as e informados/as dos pasos que deben seguir para cambiar os seus equipos por outros de nova xeración, máis avanzados, de forma totalmente gratuíta. E as novas altas de R xa están a contratar na súa maioría sobre a nova rede de fibra óptica.

Cando ao longo deste ano se completen os traballos de despregadura da tecnoloxía 5G e da nova rede de fibra FTTH, os novos equipos quedarán instalados en todos os inmobles e Galicia converterase nunha das rexións máis avanzadas de Europa en tecnoloxía, preparada para o uso e desenvolvemento de todos os servizos da chamada quinta xeración.

Esta tecnoloxía avanzada 5G apóiase na rede de fibra óptica, supón máis velocidade (10 veces máis que o 4G), maior capacidade e a posibilidade de xestionar unha cantidade inxente de datos, establecendo comunicacións ultrarrápidas sen apenas latencia.

Con esta infraestrutura de última xeración que en R despregamos dende a primavera de 2021, Galicia poderá competir en calquera lugar do mundo ao máximo nivel, ofrecendo a fogares e negocios galegos os servizos de telecomunicacións máis avanzados do territorio.

Imaxe de Concello de Valga: edificio do Concello de Valga.

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará

*

0 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.