menú
Hogares y negocios de Bueu, conectados a la fibra óptica de R

Fogares e negocios de Bueu, conectados á fibra óptica de R

15/01/2021
Blog R

Os habitantes dos núcleos de Soutelo, Trasouto e Rúa Nova de Abaixo, no municipio pontevedrés de Bueu, xa dispoñen de accesos ultrarrápidos a internet de ata 500 megas simétricos e poden desfrutar doutros servizos avanzados de telecomunicacións grazas ás redes de nova xeración de R.

500 megas

O operador galego vén de rematar neste concello parte das tarefas de despregamento da súa rede de fibra óptica, aproveitando ao máximo as infraestruturas do lugar. Deste xeito, arredor de 114 novos fogares e negocios dos devanditos núcleos de Bueu quedaron xa preparados para recibir os servizos avanzados de teléfono, internet de ata 500 megas simétricos e televisión dixital multicanle de R. Cando tras o exercicio de 2021 se complete no marco do Plan Avanza o despregamento neste municipio da bisbarra do Morrazo, a localidade contará cun total dunhas 1625 novas residencias e empresas con conexión ás redes de nova xeración do operador galego.

A maiores, R leva anos investindo no despregamento de infraestruturas en Bueu, onde a día de hoxe xa dispoñen de cobertura das súas redes avanzadas outros 3009 fogares e empresas do municipio.

10 millóns de investimento e fondos europeos

Este e outros despregamentos na provincia de Pontevedra forman parte dun dos tres proxectos do Plan PEBA-Avanza do Ministerio de Economía e Empresa dos que R resultou adxudicataria en 2018 para despregar a tecnoloxía FTTH en 512 núcleos de Galicia que non dispuxeran de alta velocidade ata o momento (“zonas brancas”).

No desenvolvemento dos tres plans investiranse un total de 10M€, dos cales preto de 8M€ serán subvencionados polos fondos FEDER da Unión Europea. En concreto, o despregamento en Bueu encádrase no proxecto destinado á extensión de redes de nova xeración en 162 núcleos do centro-oeste de Galicia (norte de Pontevedra, sur da Coruña e oeste de Lugo). O investimento total neste caso é de 3,58M€, 2,86 deles subvencionados polos fondos FEDER da Unión Europea. Un segundo proxecto fala igualmente do despregamento de banda ancha de nova xeración con tecnoloxía FTTH, desta volta en 154 núcleos de municipios do noroeste de Galicia (A Coruña, norte de Pontevedra e oeste de Lugo). Para estas actuacións, cun investimento total de 2,6M€ destinarase unha axuda dos fondos FEDER de 2,09M€. O terceiro dos proxectos adxudicados desenvólvese en 196 núcleos doutros municipios do suroeste de Galicia (Pontevedra). Os despregamentos nestas zonas suporán un investimento total de 3,75M€, cunha subvención dos fondos FEDER de máis de 3M€.

65.000 fogares e negocios conectados antes de 2021

Arredor de 32.000 novos fogares e negocios de Galicia quedarán conectados ás redes de nova xeración de R cando rematen as actuacións adxudicadas en 2018 ao operador galego polo Ministerio de Economía e Empresa. A estes traballos hai que unirlles as tarefas de extensión de redes avanzadas que R desenvolveu dende 2016 en virtude doutro concurso do Plan PEBA do Ministerio para igualmente achegarlles a tecnoloxía FTTH a diferentes “zonas brancas” da xeografía galega; en concreto, para conectar ás redes de nova xeración de R a outros 33.000 fogares e negocios, cuxos servizos están xa en fase de comercialización. E así, ao remate dos dous plans, antes de 2021, preto de 65.000 nuevas residencias particulares e empresas quedarán preparadas para recibir os servizos avanzados de R.

De feito, a día de hoxe, só no marco do Plan Avanza, R ten chegado por vez primeira coas súas redes de nova xeración a núcleos das catro provincias galegas que nunca dispuxeran de alta velocidade como Cuntis, Muros, Cerceda, Abegondo, Lourenzá, Barreiros, Palas de Rei, Monterroso, Ribadumia, Meaño, Combarro, Ponte Caldelas, Tomiño, Petín, Camariñas, Curtis, Ortigueira, Porto do Son, Pobra de Trives, Cariño, Boqueixón, Moraña, Guitiriz, O Rosal, Tomiño e Antas de Ulla.

Todas estas localidades poden desfrutar de accesos ultrarrápidos a internet de 500 megas simétricos con velocidade garantida, do desco Android 4k da televisión dixital de R e de pura alta definición co servizo rebobina para ver a tele como e cando se queira.

Así mesmo, as/os clientas/es de R poden aforrar no seu plan de datos móbiles e conectarse de balde a arredor de 130.000 puntos da rede wificlientes R espallados pola xeografía galega. E todo isto, cunha atención ao/á cliente/a próxima, de calidade e sempre dende Galicia.

Imaxe de Concello de Bueu.

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

6 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.
  1. Avatar Carlos di:

    Y los clientes antiguos, de grandes núcleos, cuándo podremos disfrutar de FTTH? Nos tenéis olvidados

  2. Avatar Lugo di:

    Benvido Bueu, supoño que teredes a opción de novos clientes con promocións, así vos librades das novas subas de prezo a partires de febreiro nas tarifas de móvil, sempre che porán a excusa de que suben os gb … aínda qie non os precises. Eu síntoo moito pero voume de R, polas subas e porque levo todo o finde sen tv e sen internet na casa (según eles por fallo na rede na zona de Lugo). Adeus

    • blog R blog R di:

      Ola, Lugo.

      Lamento que queiras tomar esa decisión. Recoméndoche contactar cos meus compañeiros de fidelización no 1449, premendo a opción 4 e logo 4 outra vez, para que revisen contigo a forma de abaratar o custo da túa factura.

      No caso de ter unha avaría no servizo, o mellor e que xestiones unha avaría dende aquí para que o revise o noso soporte técnico.

      Desculpa as molestias.

      Un saúdo.

  3. Avatar Amadeo di:

    Esa noticia es errónea, yo soy de Bueu y en concreto del el barrio de Soutelo y en dicha calle solo se lo pusieron en una casa al resto de vecinos no, y somos más de 10 usuarios interesados. Seguimos viviendo con una ADSL pobre. Si quieren más información pónganse en contacto conmigo

    • blog R blog R di:

      Hola, Amadeo.

      La información de la noticia es correcta. Hemos llegado al municipio.

      El despliegue de nuestra red dentro de este, depende de los permisos que nos concede el Ayuntamiento como de particulares a la hora de pasar nuestro cableado siempre que se pueda o las infraestructuras lo permitan.

      Lamento que no llegue a tu domicilio. Si me escribes a R-al-habla@mundo-R.net con los datos completos de la dirección y las coordenadas, consulto el porqué no se ha podido llegar a tu vivienda.

      Un saludo.