menú
Abegondo sigue sumando hogares y negocios conectados a internet con R

Abegondo segue a sumar fogares e negocios conectados a internet con R

14/05/2021
Blog R

Os habitantes dos núcleos de Penedo e Cancelada, no municipio coruñés de Abegondo, dispoñen xa de accesos ultrarrápidos a internet de ata 500 megas simétricos e poden desfrutar tamén doutros servizos avanzados de telecomunicacións grazas ás redes de nova xeración de R.

500 megas

O operador galego vén de rematar en Abegondo unha parte das tarefas de despregadura, aproveitando ao máximo as infraestruturas deste concello da provincia da Coruña. E así, 127 novos fogares e negocios (73 do núcleo de Penedo e 54 de Cancelada) quedaron preparados para recibir os servizos avanzados de teléfono, internet de ata 500 megas simétricos e televisión dixital multicanle de R. A este cantidade haille que engadir, por unha banda, as 124 vivendas e empresas do núcleo de San Marcos que xa estaban conectadas ás redes de R dende hai dous anos en virtude do Plan Avanza anterior (PEBA 2016, tamén adxudicado a R); e, pola outra, a cantidade de 1.074 inmobles máis que se prevé incorporar ao longo de 2021 á infraestrutura do operador galego, co que Abegondo pode comezar 2022, no contexto dos plans do Ministerio, cunhas 1.325 residencias e empresas conectadas ás súas redes avanzadas.

10 millóns de investimento e fondos europeos

Esta e outras despregaduras na provincia da Coruña forman parte dun dos tres proxectos do Plan PEBA-Avanza do Ministerio de Asuntos Económicos y Transformación Digital dos que R resultou adxudicataria en 2018 para despregar a tecnoloxía FTTH en 512 núcleos de Galicia que non dispuxesen de alta velocidade ata o momento (“zonas brancas”).

No desenvolvemento dos tres plans investiranse un total de 10M€, dos cales preto de 8M€ están sendo subvencionados polos fondos FEDER da Unión Europea. En concreto, a despregadura en Abegondo encádrase no proxecto destinado á extensión de redes de nova xeración en 154 núcleos de municipios do noroeste de Galicia (A Coruña, norte de Pontevedra e oeste de Lugo). Para estas actuacións, cun investimento total de 2,6M€ destínase unha axuda dos fondos FEDER de 2,09M€. Un segundo proxecto fala igualmente da despregadura de banda ancha de nova xeración con tecnoloxía FTTH, desta volta en 162 núcleos do centro-oeste de Galicia (norte de Pontevedra, sur da Coruña e oeste de Lugo). O investimento total neste caso é de 3,58M€, 2,86 deles subvencionados polos fondos FEDER da Unión Europea. O terceiro dos proxectos adxudicados desenvolverase en 196 núcleos doutros municipios do suroeste de Galicia (Pontevedra). As despregaduras nestas zonas suporán un investimento total de 3,75M€, cunha subvención dos fondos FEDER de máis de 3M€.

65.000 fogares e negocios conectados a peche de 2021

Arredor de 32.000 novos fogares e negocios de Galicia quedarán conectados ás redes de nova xeración de R cando rematen as actuacións adxudicadas en 2018 ao operador galego polo Ministerio de Asuntos Económicos y Transformación Digital. A estes traballos hai que lles unir as tarefas de extensión de redes avanzadas que R desenvolveu dende 2016 en virtude doutro concurso do Plan PEBA do Ministerio para achegarlles tamén a tecnoloxía FTTH a diferentes “zonas brancas” da xeografía galega; en concreto, para conectar 33.000 fogares e negocios, cuxos servizos están en fase de comercialización, ás redes de nova xeración de R. Deste xeito, ao remate dos dous plans, preto de 65.000 novas residencias particulares e empresas quedarán preparadas para recibir os servizos avanzados de R.

A día de hoxe, só no marco do Plan Avanza, R ten chegado por vez primeira coas súas redes de nova xeración a Muxía e tamén a núcleos de poboación das catro provincias galegas que nunca dispuxeran de alta velocidade nos municipios de Tomiño, O Rosal, Monterroso, Palas de Rei, Boqueixón, Porto do Son, Curtis, Cuntis, Meaño, Pobra de Trives, Petín, Barreiros, Lourenzá, Ortigueira, Cariño, Camariñas, Muros, Cerceda, Antas de Ulla, Moraña, Guitiriz, Abegondo, Ribadumia, Combarro e Ponte Caldelas.

Todas estas localidades poden desfrutar de accesos ultrarrápidos a internet de 500 megas simétricos con velocidade garantida, do desco Android 4k da televisión dixital de R e de pura alta definición co servizo rebobina para ver a tele como e cando se queira.

Así mesmo, as/os clientas/es de R poden aforrar no seu plan de datos móbiles e conectarse de balde a arredor de 130.000 puntos da rede wificlientes R espallados pola xeografía galega. E todo isto, cunha atención ao/á cliente/a próxima, de calidade e sempre dende Galicia.

Imaxe de Concello de Abegondo.

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

4 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.
  1. antonio di:

    En Carral para cuando 500 megas simétricos?

  2. Fran di:

    Sigo diciendo que para cuando la fibra en Maianca – Oleiros? Desde septiembre de 2019 esperando…Un convenio que supuestamente está firmado, y que se alarga y se alarga. Y los perjudicados somos los vecinos. No tenemos casi cobertura y no podemos tirar de internet para trabajar desde nuestras casas,con lo importante que es tener una conexion a internet y más en estos días que hay más volumen de teletrabajo. Es vergonzoso.