menú
aviso fraude

Nova campaña de chamadas falsas en nome de R

11/04/2018
Blog R

Ola. Hai unhas semanas comentabámosche que varios clientes nos avisaran de que recibiran chamadas sospeitosas en nome de R. Despois de revisalo, vimos que, efectivamente, eran chamadas fraudulentas facéndose pasar por nós.

Desta vez queremos avisar doutra nova campaña masiva, tamén chamando de forma fraudulenta. Os clientes indícannos que reciben chamadas dende o número 91038****.

Este xa debería ser un primeiro aviso, porque se trata dun número de Madrid. Como sempre indicamos, en R ofrecemos o servizo dende aquí, en Galicia. En caso de dúbida, sempre se pode pedir á persoa que chama que nos atenda en galego.

O que buscan estas chamadas é enganar aos clientes. Indican que chaman dende o departamento de facturación de R, ofrecen información falsa e tratan de xerar malestar no usuario para que se cambie a outro operador.

De feito, tras dar esta información falsa, buscan facerse cos datos do cliente. Saben a que número chaman, pero non quen é o titular do servizo ou os servizos do contrato. Polo que preguntan polo enderezo, o DNI e incluso a conta bancaria.

Lembra que en R nunca che pediremos a túa conta bancaria. Como moito, para confirmar que es o titular do servizo, solicitamos os seis últimos díxitos.

Por último, simplemente para que o teñas claro:

  • en R sempre chamamos dende Galicia.
  • se recibes unha chamada e che parece estraña, sé precavido. Chámanos directamente ao noso teléfono gratuíto, o 1449/1446 e confirma que te chamamos nós.
  • en R temos os teus datos de facturación, polo que nunca che imos pedir completo o teu código de conta cliente.

Agardamos terche aclarado este tema e aproveitamos para dar as grazas aos clientes por avisarnos deste tipo de chamadas.

Un saúdo!

 

Lembra que podes seguir a nosas novidades en Twitter, Facebook, Instagram e na nosa canle de Telegram.

 

Fotografía de Rob Walsh.

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

2 comentarios

R Cable y Telecomunicaciones Galicia, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.
  1. DAVID G. di:

    Muchas gracias por la información. La cuestión acerca de este tema, es que se debería denunciar una vez recibida la llamada. Supongo que a partir del 25 de mayo, con la entrada de la nueva ley de protección de datos será un poco mas factible ir a por esta gente. Un saludo.

  2. Manuel di:

    Yo recibí una llamada de Andalucía que me decía que llamaba de R.
    Lo curioso es que solo tenían mi teléfono y nombre completo. Todo lo demás me lo preguntó, cosa que me mosqueó y le colgué. Se lo comuniqué al 1449 y veo que no cayó en saco roto.