blog R

Xa sabes que temos boa conta de todo o que nos pides. Algúns levades tempo pedindo tarifas máis centradas na xente nova, nos millenials e usuarios que non necesitades chamar tanto e tirades máis de datos. Así que decidimos lanzarnos ao mercado cunha nova marca, pensada para os usuarios máis novos. Dámoslle a benvida ao operador X, que comezará a ofrecer os seus servizos en toda España.

Contratar X é coma ir ao xastre, con tarifas nas que escolles os xigas que prefires e que, ademais, podes combinar con bonos ilimitados para usar por exemplo en Instagram, en Youtube, en Netflix ou en Spotify. Ti pide, que o tes en X 🙂

X dispoñible dende xaneiro

En xaneiro lanzamos a nova operadora móbil, X, que ten a peculiaridade de que as tarifas configúralas ti, indicándonos cantos datos queres e a que servizos adoitas conectarte.

Ademais temos unha sorpresiña para os primeiros clientes 😉

Atención 100% virtual

Pensando tamén o perfil ao que nos diriximos, non teremos teléfono de atención. Calquera consulta será a través das redes sociais, do correo electrónico e do chat.

Promoción exclusiva aos 50 primeiros

Os 50 primeiros en contratar unha tarifa a medida de X o 7 de xaneiro, gañarán un ano enteiro de facturas gratis. Pensamos que che viría ben que mandásemos ao noso community facerche o almorzo e limparche o piso durante un mes, pero non lle fixo moita gracia cando llo propuxemos. Así que te terás que contentar co ano gratis. Que non está mal, non?

Garda a nosa páxina en marcadores favoritos e ponte unha alarma no móbil o 7 de xaneiro para  que non se che escape a promo!

ACTUALIZACIÓN: como algúns xa adivinastes, trátase dunha noticia publicada o 28 de decembro, co que é unha inocentada