menú
Aseguramos la pantalla de tu móvil contra los alá vai!

Aseguramos a pantalla do teu móbil contra os “alavai”!

22/11/2021
Blog R

Mira que son escorregadizos os móbiles. Cando te despistas un momento, “alavai” ao chan. E nun segundo á pantalla sáenlle tantas fendas, que ler un WhatsApp é como descifrar un xeroglífico.

Levas un desgusto que non vexas, pero o peor é que estas caídas accidentais saen caras. Porque é unha das reparacións máis custosas. Por iso agora en R asegurámosche o teu móbil contra a rotura de pantallas dende 1€ ao mes.

Co novo servizo ‘Coidamos a túa pantalla’ estarás protexido dos “alavai”! Reparamos a pantalla totalmente gratis.

Cales son as coberturas do seguro?

Se rompe a pantalla do teu móbilR, reparámoscha de forma gratuíta ata o límite da cobertura. E se o arranxo supera ese límite, realizarémosche un abono pola cantidade dese límite.

Valo ver máis claro cun exemplo.
Se o teu teléfono está valorado entre 151€ e 200€, reparamos a pantalla sempre que o arranxo non supere os 140€, que é o límite de cobertura para ese rango de prezo móbil. Pensa que se custa máis de 140€ igual compensa comprar un móbil novo. O que facemos nestes casos é aboarche eses 140€ de límite e ti decides se o queres reparar pola túa conta ou renovar o teu teléfono en R.

Aquí podes consultar os límites de cobertura:

  • Valor do móbil 0 – 150€: límite de cobertura 110€
  • Valor do móbil 151 – 200€: límite de cobertura 140€
  • Valor do móbil 201 – 250€: límite de cobertura 180€
  • Valor do móbil 251 – 436€: límite de cobertura 210€
  • Valor do móbil superior a 437€: límite de cobertura 300€

Como contrato o seguro ‘Coidamos a túa pantalla’?

Poñémoscho moi fácil: só tes que entrar dende o teu móbil na páxina mundo-r.spbseguros.com e seguir as indicacións que che irá dicindo a aplicación. Basicamente, o sistema recoñecerá o teu móbil e darache o prezo mensual do seguro.

Ademais, a primeira cota sáeche gratis 😊.

Sen permanencia

‘Coidamos a túa pantalla’ asegura o teu móbil durante un ano e renovarase de forma automática, a non ser que nos digas o contrario.

Se nalgún momento queres dalo de baixa, rescindiremos a póliza ao momento. Podes facelo falando con R ou ben chamando ao provedor do seguro ao número de teléfono 902 006 332 ou ao 91 832 21 06 de luns a venres de 9:00 h a 17:00 h.

E se necesitas máis cobertura, ademais da pantalla, chámanos e informámosche das opcións que tes para asegurar a rotura de todo o móbil ou para que esteas cuberto contra o roubo.

Porque en R, a túa tranquilidade é o primeiro.

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

0 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.