menú
Crea tus memes, gifs y vídeos desde el móvil con estas apps

Crea os teus memes, gifs e vídeos dende o móbil con estas apps

08/04/2020
Blog R

Durante o #EuQuedoNaCasa ocórrenseche auténticas xenialidades que queres compartir cos teus amigos para botar unhas risas. E encima tes máis tempo. Combinación perfecta para facer algo currado. E non é nada difícil, só tes que botar man dalgunha app para facer memes e gifs e descargar unha aplicación de creación e edición de vídeo no teu móbil. Seica convertas os teus clips en máis virais que o papel hixiénico e os aplausos dende o balcón xuntos. Iso si, queremos velos, así que compárteos connosco nas nosas páxinas de Facebook, Twitter e Instagram.

Gifs

GIPHY Cam. Da factoría GIPHY, a máis popular na internet, sae esta app que che permite inmortalizar momentos coma se fosen gifs. É moi fácil de usar, pulsa o botón de gravar, engade filtros e efectos e comparte nas túas redes sociais ou envía aos teus amigos. Pódela descargar para Android e iOS.

Gif Me! Camera – GIF maker. Queres converter esa caída que gravaches por casualidade nun gif mundial? Con Gif Me! Camera poderás capturar ata 14 segundos e despois aplicar filtros de cor en tempo real. E podes descargar a app en Android e iOS.

GIF Toaster. Pode converter todo tipo de formatos, como fotos e vídeos a gif facilmente. E permíteche crear gifs en bucle, modificar a velocidade e aplicar filtros. Dispoñible en Android e iOS.

GIPHY. All the GIFS. Pero se non tes tempo ou ganas para facer os teus propios gifs, hai unha app que ten mancheas deles: chámase GIPHY e é o maior catálogo da rede. Dispoñible para Android e iOS.

Memes

Meme Generator Free. Esta app déixache facer os teus propios memes ou usar 700 modelos distintos. Ademais, podes engadir stickers, mover o texto, combinar varios nun só, e moito máis. Proba en Android o iOS.

Meme Creator. Con este editor podes elixir entre 600 memes, e usar máis de 20 fontes de letra. Pero tamén podes embelecer unha foto da túa galería, e ata crear cómics a base de memes. Pódelo descargar para Android.

Mematic. E se non te sentes creativa/o, podes usar os memes máis famosos que circulan na rede: por exemplo, coller unha foto graciosa para lles dicir aos teus colegas que non che engadan a máis grupos de Whatsapp . Está dispoñible para Android e iOS.

Instameme. É súper fácil, rápido e completísimo. Podes usar ata 5.000 fichas e unha chea de stickers e de emoticonos. E é tan fácil como recortar, agregar filtros e editar o texto. Dispoñible para Android.
Crea tus memes, gifs y vídeos desde el móvil con estas apps

Vídeos

Viva Video. Unha das apps gratuítas máis populares e mellor valoradas para editar vídeo dende o teu móbil. En Viva Video atoparás ferramentas para recortar e combinar clips, efectos de inversión e difuminado de fondo… Podes crear diapositivas de vídeo en varios clics ou combinar clips nunha historia con moitas fichas e elegantes collages. Ofrece máis de 200 efectos especiais. Dispoñible para Android e iOS.

Magisto. En tres simples pasos crea o teu vídeo con aspecto profesional: elixe as túas fotos ou vídeos, selecciona un estilo e ponlle banda sonora. Magisto fai o resto por ti. Dispoñible para Android e iOS.

Adobe Premiere Clip. Garantía de Adobe nun editor de vídeo gratuíto e moi fácil de manexar. Adobe Premiere Clip permíteche crear vídeos de forma automática ou un modo avanzado máis completo. Arrastra e ordena os clips, recorta o que non necesites, axusta iluminación e transicións, pono a cámara lenta ou sincroniza a música como os profesionais. Descárgaa xa en Android o iOS.

Filmora. En só tres pasos terás un vídeo moi curiosiño. Selecciona fotos e vídeos da túa galería ou impórtaas de Facebook ou Instagram, dálle forma con temas, música, filtros, títulos ou transicións e comparte nas túas redes sociais. Destacan funcións profesionais como reprodución inversa, cortar por duración, editar a cámara lenta ou cámara rápida, duplicar, silenciar ou rotar. Está en Android e iOS.


Animoto Video Maker. Con Animoto só tes que seleccionar fotos e vídeos da túa galería, elixir un estilo, unha canción e poñer os títulos de crédito . Dispoñible para Android e iOS.

Quik. Agrega fotos e Quik selecciona, se queres, os teus mellores momentos, elixe entre 25 estilos e personaliza o teu vídeo reordenando elementos, recortando clips, engadindo textos, cambiando a orientación do teu vídeo e escollendo entre máis de 80 cancións gratis. Garda en alta definición e difunde a túa arte. Está dispoñible para Android e iOS.

Estamos a desexar ver como che quedaron. Compárteos nas nosas redes sociais. E se coñeces máis apps chulas para crear memes, gifs e vídeos, déixanos un comentario.

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

2 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.
  1. Avatar Alberto di:

    No tenéis vergüenza.
    Contratados 200 de bajada y 20 de subida com mantenimiento.
    Desde hace más de dos meses la mayor parte del día no pasó de 3 de bajada y 17 de subida (saturación de red, según sus expertos).
    Y, además de no solucionar la “saturación “, invitamos a descargar apps y seguir congestionado redes.
    Lo dicho, una empresa precaria, tercermundista y tremendamente cansina.
    Espero deshacerme pronto de vosotros.
    Incompetentes.