menú
Cómo reciclar tu viejo móvil

Como reciclar o teu vello móbil

14/10/2020
Blog R

Incorporamos máis móbiles ao catálogo porque sabemos que é un bo momento para cambiar de teléfono despois das “vacas”. Cando compras un novo, moitas veces metes o anterior nun caixón e esquéceste. Confesa, cantos tes aí abandonados? Hoxe dámosche uns consellos para reciclar o teu vello móbil.

Borra toda a info

Antes de desfacerte do teu teléfono, debes asegurarte de eliminar todos os datos que fuches gardando: contactos, mensaxes de WhatsApp, fotos, etc. Pero ollo, se non queres perdelos para sempre, asegúrate de gardalos antes na nube.

Segue estes pasos:

  • Fai unha copia de seguridade na nube de todos os datos que queres conservar.
  • Cifra os datos, para que ninguén poida velos. Pódelo facer dende os axustes de seguridade do teu móbil: elixes a opción “cifrar teléfono” e metes un contrasinal seguro. En iOS, os datos cífranse de forma automática cando o móbil está protexido cun código ou Touch ID.
  • Restablece os valores de fábrica para eliminar todo o teu rastro.
    • Android: dependendo do móbil, a opción “restablecemento” aparecerache nun lado ou outro. Adoitan estar nas pestanas de Seguridade, onde debes seleccionar a función “eliminar todos os datos (reseteo de fábrica)” ou “restablecer teléfono” (o nome pode variar).
    • iOS: vai á opción axustes, pulsa “xeral” e despois “restablecer”. A continuación, dálle a “borrar contidos e axustes”. Pode pedirche o contrasinal do ID de Apple ou o código. Finalmente, confirma que queres borrar o dispositivo.

No caso das tarxetas SIM ou microSD para ampliar memoria, destrúeas se non a vas reutilizar noutro teléfono.
Lleva tu viejo móvil a un punto limpio

Leva o teu vello móbil a un punto limpo

Se non lle vas dar o teu móbil vello a un familiar ou non decides doalo (a Oxfam Intermón ou Amnistía Internacional, por exemplo), desfaite del nun punto limpo.

Non, os móbiles non van ao contedor amarelo. Decátate de que están feitos de materiais moi distintos, como plástico, vidro ou metais. Así que, para tiralos de forma adecuada, cómpre que os leves a un punto limpo, onde separan os compoñentes para que poidan ser usados de novo. Atopa aquí o teu punto limpo máis próximo.

Con este pequeno xesto, faraslle un gran favor ao planeta 💚. É responsabilidade de todos!

E o dito, se estás a pensar en xubilar o teu vello móbil, bótalle un ollo ás nosas ofertas móbilR.

E ti, que xestos fas para coidar o planeta?

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

2 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.
  1. Avatar María Esperanza di:

    Penso que sería unha voa idea que as compañías telefónicas descontarán na siguiente factura 20€ ou así x entregar un móvil vello na tenda, así reciclar íbamos mais..