menú
Apps de libros

Apps de libros no móbil

26/06/2018
Blog R

Está comprobado que os libros atraen o po, pero tes a solución nestas apps de libros para levar comodamente no teu móbilR as túas lecturas favoritas. Podes acceder a catálogos gratuítos ou subscribirte por pouco diñeiro a todos os libros que queiras. Os libros de peto cambiaron e agora podes personalizar a letra, a cor ou a luz para lelos. Outro mundo .

Amazon Kindle

Converte o teu móbil nun kindle coa aplicación móbil de Amazon. Accede a máis de 1.500.000 libros e máis de 1.400 ebooks gratis, como O Quixote, que seguro que non o liches . E o mellor de todo é que se sincroniza entre todos os teus dispositivos. Édicir, podes empezar a ler un libro no móbil e continuar onde o deixaches no teu computador, tablet
Dispoñible para Android e iOS
Apps de libros Amazon Kindle

Google Play Books

Desfruta no teu móbil dos audiolibros e libros que compras en Google Play. Podes comprar volumes soltos sen necesidade dunha subscrición e escoitar mostras gratuítas antes de comprar. O seu sistema de sincronización permíteche escoitar e ler onde o deixaches noutros dispositivos, así como compartir as túas notas cos teus colaboradores a través de Google Drive. A súa función luz nocturna permitirache ler comodamente e conciliar o soño máis facilmente.
Dispoñible para Android e iOS
Apps de libros Google Play Books

iBooks

Clásicos, novidades, best-sellers ou audiolibros no teu peto. Podes ler mostras gratuítas, buscar libros interactivos, seleccionar a tipografía e cor, agregar notas, facer procuras, activar o modo nocturno ou compartir citas ou opinións dos teus libros en redes sociais. Ademais as funcións de iCloud permítenche acceder aos teus libros comprados en todos os teus dispositivos e compartilos coa túa familia.
Dispoñible para iOS
Apps de libros iBooks

Goodreads

A rede social de lectores máis grande. Servizo gratuíto con máis de 35 millóns de usuarios que engadiron máis de mil millóns de libros. Busca e revisa calquera libro entre os máis de 12 millóns, le recensións dos teus amigos e coméntaas ou utiliza o escáner de código de barras para acceder á información dun libro.
Dispoñible para Android e iOS
Apps de libros Goodreads

Aldiko Book Reader

Máis de 20 millóns de usuarios en máis de 200 países. Accede á librería Feedbooks que propón best-sellers, novidades e libros gratuítos de dominio público, importa os teus propios arquivos EPUB e PDF na aplicación, busca, engade notas, personaliza a túa lectura ou consulta o dicionario. Compatible con ebooks dispoñibles en préstamo das bibliotecas.
Dispoñible para Android e iOS
Apps de libros Aldiko Book Reader

24symbols – Libros online

Servizo para ler libros dixitais en español e noutros 7 idiomas dende o teu ordenador, smartphone ou tablet. E se estás farto de que o po se amontoe nos teus libros, aquí podes crear a túa propia biblioteca e organizala ao teu gusto. Podes ler online máis 300.000 libros (5.000 gratuítos) con publicidade, ou facer unha subscrición Premium (8,99€), para ti ou para regalar, e acceder a todo o catálogo sen publicidade e ler sen estar conectado a internet.
Dispoñible para Android e iOS

Bookmate — leo lo que me gusta

Desfruta miles de libros con ou sen subscrición, por só 10,99 € ao mes accede a toda a súa biblioteca ou elixe entre 50.000 libros gratis. Ademais podes cargar un libro en Bookmate, en formato FB2 ou EPUB e lelo en todos os teus dispositivos. A aplicación recomendarache títulos acordes aos teus gustos persoais e poderás compartilos cos teus amigos.
Dispoñible para Android e iOS
Apps de libros Bookmate

Elejandria

Descarga libros sen dereitos de autor, polo que podes descargar libros legais e gratis . A biblioteca de Elejandria conta cun catálogo de 573 libros de 160 autores, que podes descargar en varios formatos: pdf, ePub, doc, Mobi de Amazon ou txt. A maioría dos autores son clásicos da literatura, pero tamén hai libros de dominio público actuais con licenzas de libre distribución.
Dispoñible para Android
Apps de libros Elejandria

Scribd – Reading Subscription

Desfruta dun número ilimitado de libros, audiolibros, revistas e máis. Dispós de 30 días para ler gratis o que desexes, unha vez pasado ese período debes subscribirte por 8,99$ ao mes. Non só atoparás as mellores novelas, en Scribd tes revistas como Time Magazine, People, Harper’ Bazaar ou ELLE, e documentos que inclúen teses académicas, informes oficiais do goberno, etc. Tamén funciona sen conexión a internet.
Dispoñible para Android e iOS
Apps de libros Scribd - Reading Subscription

Libros gratis – Wattpad

A comunidade máis grande do mundo para lectores e escritores cunha biblioteca mundial ilimitada. Podes ler esteas conectado ou non, sen preocuparte en descargar arquivos PDF. Engade comentarios entre liñas, comparte o que pensas e interactúa coa historia.
Dispoñible para Android e iOS

Leer libros digitales – Kobo Books

Desfruta de máis de 5 millóns de libros para ler na túa tablet ou smartphone. Dispós dun catálogo de libros gratuítos e doutros ebooks de pago. Busca un libro ou déixate levar polas recomendacións, ordena e filtra como queiras, valora ou escribe unha recensión.
Dispoñible para Android e iOS

eBiblio

Préstamo de libros electrónicos no teu móbil, só debes dispoñer dun carné de usuario de biblioteca pública e a ler. Desde a app poderás navegar polo catálogo, realizar préstamos e reservas, ler online e descargar libros para ler sen conexión a internet.
Dispoñible para Android e iOS
Apps de libros eBiblio

A lectura é un pracer e, agora, un pracer moi cómodo. Descarga algunha destas apps e desfruta como nunca das túas historias favoritas.

Lembra que podes seguir a nosas novidades en Twitter, Facebook, Instagram e na nosa canle de Telegram.

Ata pronto!

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

1 comentario

R Cable y Telecomunicaciones Galicia, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.
  1. Avatar Alberto di:

    Muchas gracias,por el trabajo que habéis echo para felicitarnos las mejores direcciones donde poder leer libros,y la mayoría GRATIS.Estoy más que orgulloso de pertenecer (después de probar casi todas y lo digo por que ya tengo una edad) a la mejor comunidad de clientes satisfechos de esta compañía que es R.