menú

O teu negocio é resiliente?

10/11/2016
Blog R

Seguro escoitaches o termo resiliencia nalgunha ocasión. É unha desas palabras que serven para definir a capacidade de superación en case calquera campo de estudo. Pero como o noso non é o urbanismo, a continuación explicámosches que significa iso da resiliencia nas empresas.

Que é a resiliencia nas empresas?

É a capacidade que ten un negocio para facer fronte aos problemas, sobrepoñerse das decepcións e seguir adiante tentando que o negocio segue en marcha coas menores dificultades posibles. As empresas resilientes son unha especie de sobreviventes.

 

3 características das empresas resilientes

Aínda que poderían encherse páxinas con aquilo que define unha empresa resiliente, destacamos estes tres.

Aprenden constantemente

As empresas resilientes teñen a capacidade de aprender de todas as situacións que se lles presentan. Todo vale para mellorar e corrixir o seu modelo de negocio.

Se detectas que hai algo no teu negocio que non funciona, reúnete co teu persoal para falar do problema en base á súa experiencia. Estuda con cada un que se pode facer para mellorar o seu desempeño e o do seu equipo.

Adáptanse a calquera situación

As empresas resilientes adáptanse, nun curto período de tempo,  a calquera proxecto independentemente da súa estrutura. Buscan sinerxias para crecer e transfórmanse constantemente para non estancarse.

Pregunta aos teus empregados cal é a visión do negocio. Fala con eles para coñecer tamén cara a onde cren que pode moverse no futuro en función do que saben facer.

Reconstrúen a súa contorna

A peza clave para sobrevivir ás adversidades, ás veces consiste en poñer en valor ao teu equipo. As empresas resilientes teñen a capacidade de reconstruír a súa contorna co talento do que dispoñen seu ao redor. Se algún dos teus empregados está canso ou queimado, busca un novo espazo para que poida desenvolver o seu talento.

Hoxe en día, vivimos un momento no que cada vez é máis difícil ser competitivo. Para sobrevivir, as empresas deben ter a capacidade de reinventarse e sobrepoñerse ás adversidades canto antes. De aí a importancia de ser resilientes. No canto de aguantar o chaparrón, as empresas deben ser creativas para intentar saír fortalecidas de calquera situación.

subscríbete ao boletín
recibe cada mes no teu correo toda a información para o éxito do teu negocio
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

0 comentarios

R Cable y Telecomunicaciones Galicia, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.