menú
oshwdem

OSHWDem 2017

07/11/2017
Blog R

Unha nova edición do OSHWDem (Open Source HardWare Demonstration) volve á Coruña, concretamente ao Museo DOMUS. Trátase dunha feira tecnolóxica na que se expoñen diferentes inventos. Móstranse como foron creados, para que todo o mundo os coñeza e se poidan mellorar.

O 11 de novembro celebrarase esta cita tecnolóxica organizada pola asociación Bricolabs, na que os seus compoñentes quedan semanalmente para colaborar no deseño e construción de todo tipo de aparatos e gadgets. E desta paixón por este mundo naceu o OSHDem, que xa vai pola súa sexta edición.

Ao longo de toda a xornada poderás ver inventos de software, robótica, internet das cousas, electrónica, hardware… En resumidas contas, haberá todo tipo de tecnoloxías.

Competicións de robots

Os creadores de robots poden participar en diferentes competicións cos seus androides. Hai diferentes tipos:

  • resolver o camiño correcto dentro dun labirinto.
  • loita na modalidade de sumo.
  • e incluso unha carreira para saber cal é o robot máis rápido.

A inscrición nestas competicións é gratuíta e os gañadores levarán o seu correspondente premio. Pero ollo, porque para participar tes que seguir o regulamento establecido.

Estas competicións poderanse ver no salón de actos da DOMUS.

Obradoiros

E para aproveitar ben a asistencia a esta xornada, que mellor que acudir a algúns dos obradoiros que organizan para aprender cousas novas. Son gratuítos e só tes que inscribirte na súa web.

As temáticas dos obradoiros son variadas, dende a iniciación á programación en Phyton e Raspberry, programación de sistemas físicos en contornas gráficas, ata charlas sobre robots.

Xa nos contarás se te animas a apuntarte a algún taller de robótica para crear o teu pequeno androide.

Ata a próxima!

subscríbete ao boletín
recibe cada mes no teu correo toda a información para o éxito do teu negocio
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

0 comentarios

R Cable y Telecomunicaciones Galicia, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.