menú

Como sei onde están os meus clientes?

03/02/2017
Blog R

Os teus clientes son fundamentais para a supervivencia da túa empresa. Identificalos é un dos primeiros pasos que debes seguir na definición do teu plan de negocio.

Se aínda non tes claro que facer para coñecelos, a continuación contas con tres claves para definilos.

 

Non encasilles os teu clientes.

Foxe da ambigüidade á hora de definir ao teu público obxectivo. De nada serve que segmentes aos teus clientes pola súa idade se descoñeces que é o que realmente precisan ou que lles gusta.

O teu obxectivo debe ser describilos como o que son, un grupo de persoas nunha contorna coas súas necesidades, motivacións, características e que ademais, teñen en común unha visión do mundo.

É importante que durante este proceso empatices con eles e abandones a idea de que es capaz de predicir os gustos dos demais. A unha mesma persoa pódenlle gustar cousas moi dispares que non teñen porque ter relación entre si.

A investigadora Kate Barasz explica neste artigo como profunda neste tema a través dun estudo “sobre o papel que a semellanza e a diferenza xogan na nosa predición sobre as preferencias dos demais”.

 

Empatiza cos teus clientes

A empatía é unha das habilidades máis útiles na definición do teu público obxectivo. Poñerse nos zapatos dos teus clientes axudarache a saber que é o que pensan, que fan, que é o que senten, que cousas desfrutan ou que é o que valoran.

Os teus clientes poden ter puntos de vista diferentes aos teus. Comprendelos e ver que non hai unha solución única, axudarache a coñecelos mellor.

Se non es capaz de empatizar co teu público obxectivo é moi difícil que consigas crear nada para el.

Huminaza os teus clientes

Se xa conseguiches empatizar cos teus clientes e coñécelos mellor, narra unha historia breve e coherente na que describas a súa personalidade e motivacións.

Ponlle nome e apelidos se queres. Humaniza ese segmento da poboación que conforma o teu público para comprender mellor a que tipo de persoa ao que te queres dirixir.

Esta información será moi útil. Coñecer aos teus clientes axúdache a mellorar a túa proposta de valor. Ademais, facilítache a procura de clientes aos que presentarlle os teus produtos ou aos que entrevistar para coñecer novas facetas.

 

O teu plan de negocio só funcionará se coñeces de corrida aos teus clientes. É necesario que realices unha investigación de mercado para conseguir definilos e coñecelos.

 

imaxe:gyphy

 

subscríbete ao boletín
recibe cada mes no teu correo toda a información para o éxito do teu negocio
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

0 comentarios

R Cable y Telecable Telecomunicaciones, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.