menú

As empresas e particulares galegos sofren case 3.000 ciberataques ao día

06/03/2019
Blog R

Durante o 2018 en Galicia detectáronse unha media diaria de 2.820 ataques a equipos ou redes informáticas. Si, estás a ler ben, trátase do número de ciberataques sufridos durante cada 24 horas, non dos datos acumulados ao final de todo o ano.

Son cifras ofrecidas polo Instituto Nacional de Ciberseguridade de España (INCIBE), que recollían os xornais Faro de Vigo e La Opinión de A Coruña. Dese xeito, Galicia é a sexta comunidade con maior número de problemas de seguridade, roubo de información e intrusións informáticas.

Por provincias e cidades

Analizando os datos por provincias, extráese que Pontevedra e A Coruña son as que máis casos rexistran con este tipo de problemas de seguridade. En concreto, na Coruña hai unha medida diaria de 1.115 de dispositivos ou redes informáticas afectadas, mentres que en Pontevedra se contabilizaron preto de 1.000 ciberataques, arredor do 35% de todos os que se produciron na nosa comunidade. Pola súa banda, Ourense e Lugo sufriron máis de 300 incidencias de seguridade informática cada xornada.

A nivel de cidades, Vigo concentra “un 30% de medio de todos los activos tecnológicos con problemas de seguridad detectados en los concellos gallegos”, segundo salienta o Faro de Vigo. A continuación sitúase a cidade herculina, co 20% das vítimas de virus, estafas e secuestros de información, mentres que Ourense, Santiago e Lugo teñen o 10%.

Riscos

O Instituto Nacional de Ciberseguridad pon á disposición de calquera usuario unha ferramenta gratuíta que che permite coñecer o “estado en seguridade da información, que riscos ameazan o funcionamento da empresa e que aspectos debe mellorar”.

Do que se trata é de analizar os posibles riscos que supoñen os ordenadores, teléfonos móbiles, tabletas, servidores, bases de datos ou liñas de comunicacións de cada negocio. Moitos usuarios non teñen en conta estes aspectos nin pensaron en “que ocorrería na súa empresa se, de súpeto, perdese a información do seu negocio ou a capacidade de acceder a ela”, sinalan en INCIBE.

empresa

tranquilidade R

Cada empresa debe buscar a solución ideal para o seu negocio. En R contamos cun sistema moi completo de seguridade para ata 5 dispositivos: portátiles, smartphones, tabletas…

En tranquilidade R, por 3,9€+IVE/mes ofrecemos protección inmediata e efectiva contra ameazas coñecidas e descoñecidas, control de dispositivos que permite bloquear memorias USB, discos duros extraíbles, etc. para evitar fugas de información, unha xestión centralizada na que só é preciso un navegador para xestionar a protección antivirus e firewall de maneira centralizada para todos os PCs, servidores e portátiles da empresa e todo dende a nube, minimizando así o investimento necesario.

Con calquera dúbida, coma sempre, quedamos por aquí á túa disposición.

Un saúdo!

Imaxes de Markus Spiske e de rawpixel

máis info?

déixanos aquí os teus datos



lín e acepto a política de privacidade

subscríbete ao boletín
recibe cada mes no teu correo toda a información para o éxito do teu negocio
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

0 comentarios

R Cable y Telecomunicaciones Galicia, S.A.U. é o responsable do tratamento dos datos persoais que nos facilites e trataraos para a xestión da túa solicitude de facer comentarios neste blog en base a unha relación contractual. Non cederemos os teus datos persoais a ningún terceiro, salvo que exista unha obriga legal. E só os compartiremos cos nosos provedores que deban ter acceso para prestarnos un servizo. Tes, entre outros, dereito a acceder, rectificar e suprimir os teus datos, como se explica na información adicional da política de privacidade da nosa web.
Ao facer clic no botón publicar comentario declaras coñecer e entender a política de privacidade da Sociedade.