O San Froilán de Lugo é unha das festas máis populares do outono galego. Declarada Festa de Interese Turístico Galego e Festa de Interese Turístico Nacional, as súas casetas de polbo, os concertos e citas tan soadas como o Domingo das Mozas atraen cada ano a miles de visitantes á "Cidade da Muralla" do 4 ao 12 de outubro.
Unha das grandes citas gastronómicas do outono en Galicia é a Festa da Faba de Lourenzá. Unha homenaxe a un produto de primeira calidade acompañada dun amplo programa de actividades para toda a familia. En 2023, a cita é do 29 de setembro ao 1 de outubro.
Se tentamos describir o Canón do Sil con palabras quedariamos curtos. O mellor é que o vexas cos teus propios ollos desde os case 50 miradoiros do Sil, que seguen o curso do río na Ribeira Sacra. Consulta aquí a lista completa de miradoiros do Sil e como chegar aos mellores balcóns da parte de Ourense e da de Lugo, que divide o río.
Deixar o coche e percorrer Galicia en ferrocarril a través de rutas temáticas. É a proposta dos Trens Turísticos de Galicia 2023. Entérate aquí das rutas, dos prezos dos trens, de como comprar os billetes e de cando se fan os percorridos este ano.
Os plans de casa rural, comida rica e excursións son do mellorciño. É o que che ofrece o Outono Gastronómico 2023: menús a base de produtos galegos, en casas de Turismo Rural de Galicia, onde ademais de comer ou cear, podes durmir un día ou unha fin de semana, e mesmo facer actividades de lecer. Apúntate a este plan de outono en Galicia do 15 de setembro ao 17 de decembro.
Setembro vívese doutro xeito en Rianxo. Cando se achega o final do verán, a vila mariñeira coruñesa engalánase para vivir toda unha semana de festas na honra da Virxe "Moreniña". Son as Festas de Guadalupe.n
Atopa na axenda mensual todos os plans en Galicia preto de ti para que saibas onde hai concertos e festivais, teatro, exposicións e festas.
As Rías Baixas son o centro do turismo galego cada verán. E a ría de Arousa énchese de veraneantes de todo tipo. Uns buscan sol e praia, outros fermosas paisaxes naturais ou vilas con encanto. E aí está O Grove, unha vila mariñeira que reúne todos estes ingredientes. Recompilamos para ti todo o que tes que ver e que facer se te achegas ao Grove.
Pontevedra trasládase ao medievo a primeira fin de semana de setembro coa súa popular Feira Franca. É unha das festas temáticas máis multitudinarias das Rías Baixas e foi recoñecida como Festa de Interese Turístico. Contámosche todo sobre os seus protagonistas e o programa de actividades.
Se buscas listas de vilas, municipios ou cidades que cómpre ver en Galicia, Cambados está en todas elas. As razóns son moitas e son unánimes. Contámosche que ver en Cambados e por que esta vila mariñeira da costa pontevedresa, en plena ría de Arousa, engaiola a quen alí fan parada. E por se non queres perder ningún dos seus fermosos e maxestosos recunchos, seleccionamos para ti os monumentos ou lugares que debes visitar.
O último venres e sábado de agosto, Ribadavia trasládase ao medievo coa Festa da Istoria. É unha das festas máis populares de Galicia, na que podes ver unha auténtica voda xudía ou degustar unha Comida Medieval, con traxes de época e marabedís. Aquí tes toda a información sobre o Programa e as actividades da Festa da Istoria en Ribadavia.
Cando se achega setembro, as familias con fillos e fillas en idade de ir ao cole comezan a preguntarse cando empeza o curso escolar en Galicia. E non só iso, xa empezan a planificar todo o ano e os seguintes períodos vacacionais, pontes e festivos diversos.
A "Festa do Pulpo" é unha das grandes citas gastronómicas do verán en Galicia. Celébrase o segundo domingo de agosto e é Festa de Interese Turístico Internacional. Queres saber por que O Carballiño é a capital do polbo se está a máis de 100 quilómetros do mar? Orixe, tradición e programa da Festa do Polbo do Carballiño.
A Maruxaina é unha Festa de Interese Turístico Galego que se celebra na localidade lucense de San Cibrao, en Cervo. O sábado 12 de agosto, as miradas de veciños/as e visitantes diríxense cara a esta misteriosa serea cuxa lenda dá pé a unha das festas máis singulares do verán en Galicia.