menú

‘Blindspot’ volve a AXN

14/03/2016
Blog R

O martes 15 de marzo, ás 23:10 h., AXN (dial 21) estrea novos episodios de ‘Blindspot’.

Sullivan Stapleton (‘300: El Origen de un Imperio’), Jaimie Alexander (‘Thor’) e a nominada ao Óscar Marianne Jean-Baptiste (‘Sin rastro’) protagonizan unha das series do ano. Trátase dun thriller de acción protagonizado polo curtido axente do FBI Kurt Weller, quen se mete nunha complexa conspiración dende o momento no que Jane Doe aparece espida e sen memoria na metade de Times Square con misteriosas tatuaxes por todo o corpo, incluíndo unha co nome do axente Weller.

Weller e os seus compañeiros de equipo comezan a investigar o verdadeiro mapa que son as tatuaxes de Jane, arrastrándoos a un submundo de alto risco a través dun labirinto de segredos e revelacións. A información que descubran, en última instancia, podería cambiar o mundo.

O foco desta gran incógnita é a relación entre Weller e Jane Doe. Cada día que pasa, Jane descobre unha nova habilidade ou un talento escondido sen entender a súa orixe, mentres Weller se encerra cada vez máis nos seus problemas e na súa complicada relación con esta enigmática muller. Ambos se esforzan por forxar unha conexión, sen darse conta do punto cego que os ameaza perigosamente.

subscríbete ao boletín
recibe cada mes no teu correo todas as novas da programación e da tele
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

0 comentarios