menú

Lanzamos nova tarifa móbil adicional por só 3€/mes de cota

03/02/2017
Blog R

Ola de novo. Unha das cousas que nos levabas tempo pedíndonos era unha tarifa moi básica pensada para as túas liñas adicionais. Dixémosche que o estabamos a ver; e aquí a tes.

Como sabes, a idea da nosa última oferta comercial foi crear opcións e posibilidades para que poidas configurar un servizo que se adapte máis a ti, con prezos base máis baixos nos combos, máis tarifas móbiles entre as que escoller e incluso combos sen liña de teléfono.

Perfil

Esta nova tarifa non estivo lista para o lanzamento da nova oferta comercial, o pasado 22 de decembro. Pero velaquí tela arestora, xa dispoñible.

Esta é unha tarifa pensada sobre todo para aqueles que non fan un uso intensivo do móbil e queren pagar algo básico. Sería o caso das familias que teñen un cativo ou cativa que colle por primeira vez unha liña móbil e queren chamalos de cando en vez, saber onde están, se hai que recollelos no cole, nas actividades extraescolares…. Ou xente maior que descobre o whatsapp e fai só as chamadas imprescindibles porque prefire chamar dende o fixo da casa. Ou ben os que queren estar sempre dispoñibles e localizables, pero o uso que fan do móbil é máis ben esporádico.

Vamos, un perfil de persoa que non adoita facer chamadas, aínda que si as recibe, e que usa aplicacións móbiles.

Características

Pero vaiamos ao detalle. Nesta tarifa ofrecemos, por unha cota de 3€/mes (IVE incl.):

  • 500MB de datos móbiles
  • chamadas a 0cent/min, cun establecemento de 21 céntimos. O máximo da chamada, como sempre, é de 60 minutos. A partir de aí, 21cent/min.
  • SMS, 24 céntimos.

Interesante, a que si?

Condicións

Esta nova tarifa está dispoñible dende hoxe mesmo para os clientes particulares que a desexen. Trátase dunha tarifa adicional, polo non se pode coller como liña principal do servizo.

Lanzámola, ademais, asociada á nova oferta converxente en vigor dende o 22 de decembro. Para contratala é preciso ter un dos novos combos actualizados con 50, 200 ou 350 megas. E como se trata dunha liña adicional, cómpre ter contratada, coma mínimo, unha plana 15 ou superior.

Que non se che escape

O dito, xa nos dirás que che parece. Nós cremos que responde ao que nos pedías: está moi ben de prezo e trátase dunha tarifa moi competitiva, pensada para un público concreto (que fai poucas chamadas e tira algo dos datos). Ademais, as chamadas son a 0cent/min+establecemento: está moi ben, non si?

E non esquezas que é compatible con wificlientesR, polo que tamén tes máis de 120.000 puntos wifi en toda Galicia para navegar e navegar: un complemento perfecto aos 500MB que xa tes dispoñibles.

Queda saber como a ves ti. E se tes calquera dúbida, coma sempre, por aquí andamos 

Un saúdo!

subscríbete ao boletín
recibe cada mes no teu correo todas as novidades e a información dos teus servizos R
acepto os termos e condicións*

Deixa unha resposta

O teu enderezo electrónico non se publicará Os campos obrigatorios están marcados con *

*

8 comentarios

  1. David di:

    Sen dúbida, aínda que non se adapta as miñas necesidades, penso que é todo un acerto para competir ca liña gratuíta de Movistar e Vodafone pero coa facilidade de configurar o teu combo según as túas necesidades, non coma Movistar.

    Parabéns.

  2. Severino di:

    No acabo de entender por qué siempre os olvidais de los muchos clientes, sobre todo personas mayores o que quieren un teléfono para lo que nació, que es hacer y recibir llamadas, teléfono sin conexión a Internet y que para nada necesitan megas de navegación.¿ Alguna vez sacareis una tarifa para cubrir un segmento de población tan importante?

  3. josé prieto di:

    Al final obligáis a tener un combo y hay gente que sólo tiene móviles, hay que pensar en todo el mundo. Hay gente mayor como dices tú que sólo tiene móviles

  4. xoxe di:

    É os que temos tarifa 14 con 50megas non damos o perfil????