menú
Móviles de R LG K10

Móbiles de R: LG K10

04/07/2016
Blog R

En xuño incorporamos ao catálogo de móbiles de R o LG K10 e hoxe queremos amosarte en detalle o que ofrece LG na súa nova serie K. Terminal grande de 5,3” e unha cámara moi avanzada dentro da gama media para que a experiencia multimedia sexa completa. Lévao en cor branca por 8€/mes durante 24 meses.

Se es dos que utiliza o móbil moito como un dispositivo multimedia para facer fotos e vídeos, ver series, etc. máis que para chamar, este é o teu smartphone. Aquí terás unha pantalla grande e unha das cámaras máis avanzadas no seu segmento. Así é a nova serie K de LG, móbiles baratos con certas características premium.

O LG K10 ten unha pantalla HD de 5,3” IPS LCD e tecnoloxía in-cell para que sexa máis fluído navegar e ver en exteriores. Non pesa moito, é un móbil lixeiro de 142 gr e unhas dimensións de 146 x 75 x 9 mm. Ten un deseño minimalista, de cristal curvo e acabados redondeados, coa parte traseira rugosa para facilitar o agarre. Aí atoparás tamén un botón para bloquear e desbloquear o teléfono, que resulta moi cómodo; pero cada un ten os seus gustos, hai quen o prefire no lateral, outros na parte traseira… norte, sur, leste ou oeste .

Tanto a cámara principal, de 13 MPX, como a frontal, de 5 MPX, levan flash virtual e disparo por xestos. Isto virache moi ben cando queiras facer un selfie, só tes que abrir e pechar a man para capturar o teu mellor sorriso. O K10 ten ademais a función Gesture Interval Shot: levanta a man, enfoca e move a túa man dúas veces para capturar catro selfies en modo secuencia.

Neste vídeo, podes ver como funciona este xogo de palmas :


Para almacenar as túas fotos, vídeos e apps dispós de 16 GB (8 GB libres para o usuario), que podes ampliar cunha tarxeta microSD. E para dar marcha a isto, un veloz procesador Quad Core de 1.2 Ghz e unha memoria RAM de 1,5 GB.

O LG K10 vén co sistema operativo Android 6.0 e unha batería extraíble de 2,300mAh para que non teñas problemas de carga.

Se é o que estabas a buscar, lembra que ten moi bo prezo:

> contrata aquí
> renova aquí

Ata pronto.

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

2 comentarios

  1. Ángel Ramiro Fernández Lage di:

    Envíenme a información relevante.