menú
apps de Carnaval disfraz

Apps de Entroido

21/02/2017
Blog R

Ola a todos. Hoxe traémosvos algunhas apps de Entroido para quentar os móbiles a base de desfiles, disfraces, xogos e moito máis.

Axenda

Para saber o que se coce estes días en Galicia, podedes consultar os programas dos carnavais máis famosos nestas apps:

  • Tempo de lecer Ourense: dispoñible para Android
    Xinzo, Verín e Laza forman o triángulo máxico do Entroido galego. Moitos días de festa que non vos debedes perder por nada do mundo. Dende o menú da aplicación, seleccionades a categoría “festas” e amosará en formato axenda os próximos eventos.
    apps de carnaval agenda
  • Ocio en Galicia: dispoñible para Android e iOS
    E aínda que Ourense leva a fama, o carnaval vívese en todos os puntos da xeografía. Queredes saber se hai desfile na vosa cidade? Con esta app sairedes de dúbidas.apps de carnaval agenda Galicia

E de Galicia imos ao sambódromo de Río de Janeiro, facendo escala en Cádiz e Tenerife:

  • Carnaval de Cádiz: dispoñible para Android
  • Carnaval 2017 Tenerife: dispoñible para Android
  • Carnaval de Blocos Rio 2017: dispoñible para Android e iOS

Disfraces

Se non queredes ir de ‘choqueiros’ ou de MA Barracus , estas apps axudaranvos a atopar un disfrace orixinal. Ademais poderedes simular como vos quedaría e compartilo cos demais.

  • BT Costumes: dispoñible para Android e iOS
  • Carnaval fotomontaje: dispoñible para Android
  • Carnavalea: dispoñible para Android

Chirigotas

É probable que Íñigo Errejón protagonice algunha chirigota este ano, vista a chea de memes que xera . Nesta aplicación, atoparedes coplas carnavalescas que lle sacarán as cores a máis dun.

Xogos

Sabédelo todo dos entroidos galegos? Demostrádeo con esta aplicación, unha especie de trivial moi instrutivo. E se vos atrevedes co de Cádiz, todo voso.

  • Entroido en Galicia: dispoñible para Android
  • Trivial Quiz Carnaval de Cádiz: dispoñible para Android

Receitas

Se non vos recuperastes de Nadal, preparádevos para as lacoadas, filloas, orellas e outros manxares. Os que non teñades a receita da avoa, podedes aprender nesta app.

  • Recetas gallegas: dispoñible para Android

Bo proveito e a pasalo ben.

Un saúdo!

subscríbete ao boletín
recibe cada mes no teu correo todas as novidades e a información dos teus servizos R
* This field is required

Deixa unha resposta

O teu enderezo electrónico non se publicará Os campos obrigatorios están marcados con *

*

0 comentarios