menú
reuniones, gestión de tiempo y productividad

Reunións: devólveme o meu tempo, ladrón

03/03/2016
Blog R

Anota nun papel cantas horas traballas cada semana. Agora réstalle as horas extra. Xa o tes?. Perfecto. Colle a túa axenda e escribe nese mesmo folio, cantas horas dedicaches a reunións esta semana. Bota unha ollada. Se as túas reunións ocupan máis do 25% do teu tempo na oficina este post é para ti.

 

Adicción ás reunións: axendas colapsadas

Ser adicto a isto ten un nome: reunionadicción. Non, non estamos de broma. Seguro que xa sufriches nas túas propias carnes as consecuencias destes adictos, mesmo é probable que tiveches nunha reunión para saber se é conveniente convocar outra reunión.

Con todo, as reunións son realemente útiles porque  permiten alcanzar consenso e organizar quen ten que facer cada tarefa. É a forma de utilizalas o que falla. Materiais e contidos non preparados, obxectivos mal definidos, asistentes sen rol ou duración excesiva son algúns dos erros que amolan calquera convocatoria.
 

Tres consellos para xestionar as túas reunións

1. Pensa se debes asistir

É importante que teñas en conta se realmente é necesario que asistas. Analiza se é unha tarefa urxente ou importante, se prexudica ou non ao teu fluxo de traballo, se compromete outras tarefas ou se podes achegar algo útil.

Non esquezas que non é necesario que asistas a todas as reunións que se convocan. Está na túa man decidir se teñen sentido para ti. Se finalmente decides non ir, expón argumentos convincentes a quen che convocou para evitar que pareza que non queres ir.

2. Fai os deberes

Tanto se debes asistir a unha reunión coma se a convocaches ti, é importante que a prepares. Se convocaches unha reunión, debes ter moi claro que persoas é necesario que asistan e debes comunicarlle a cada un o seu rol. Se participas, debes analizar de que se vai a falar. Se non o sabes, tenta  preguntar, indagar e móverte

Non esquezas pensar que podes achegar nas reunións e preparar os puntos que se tratarán. Non podes chegar sen cousa algunha.

3. Permanece activo durante a reunión

Durante o transcurso da reunión tenta ser breve e conciso. Unha reunión non debería durar máis dunha hora. Se se excede ese tempo poden resultar excesivamente tediosas. Tamén, tenta ser activo, dinámico e participativo. Non teñas medo a realizar as preguntas que consideres convenientes e promove o debate.

Por último, propón sempre levantar acta para que  quede constancia clara e escrita do que se tratou. É importante que se se toma a decisión de lanzar accións concretas quede claro quen se encargará de realizar cada tarefa.

Lembra que as reunións son unha ferramenta máis. Es ti o que fai que sexan  útiles e eficaces. Nós podemos poñercho máis fácil con ferramentas como nubeR ou VinR. Iso sí,  se queres que sexan perfectas, recomendámosche que leeas este post.

subscríbete ao boletín
recibe cada mes no teu correo toda a información para o éxito do teu negocio
acepto os termos e condicións*

0 comentarios

Deixa unha resposta

O teu enderezo electrónico non se publicará Os campos obrigatorios están marcados con *


*